കുടുംബമിത്രം ധനസഹായം

തൃശൂർ: ഭാരതീയ വ്യാപാരി വ്യവസായി സംഘം ജില്ലാ കമ്മിറ്റിയുടെ ആഭിമുഖ്യത്തിൽ ജില്ലാ കാര്യകർത്താ പ്രശിക്ഷണ വർഗ സംഘടിപ്പിച്ചു. 'സംഘടനാ സംവിധാനവും മുന്നോട്ടുള്ള പ്രവർത്തനങ്ങളും' എന്ന വിഷയത്തിൽ സംസാരിച്ച് സംസ്ഥാന ജനറൽ സെക്രട്ടറി എസ്.സന്തോഷ് ഉദ്ഘാടനം ചെയ്തു. ജില്ലാ പ്രസിഡന്റ് ജീവൻ നാലുമാക്കൽ അദ്ധ്യക്ഷനായി. കുടുംബമിത്രം സാമ്പത്തിക സഹായ പദ്ധതിയുടെ ഭാഗമായി മരണപ്പെട്ട ചന്ദ്രന്റെ ഭാര്യ ഭാഗ്യരഥി ചന്ദ്രന് 5ലക്ഷത്തിന്റെ ചെക്ക് സംസ്ഥാന സെക്രട്ടറി പി.എസ്. രഘുനാഥ് ചിയ്യാരം കൈമാറി. വിഭാഗ് സമ്പർക്ക പ്രമുഖ് സതീശൻ,സംസ്ഥാന സമിതി അംഗം സി.വി. പ്രേംകുമാർ,രഘുനാഥ് വെള്ളാട്ട്,അഡ്വ.വാസവൻ എന്നിവർ ക്ലാസെടുത്തു.