മത്‌സ്യകർഷകർക്കായി കേരള ബാങ്ക് ശിൽപ്പശാല

കൊച്ചി: കേരള ബാങ്ക് മത്സ്യകർഷകർക്ക് നൽകുന്ന വിവിധ വായ്പകളെ കുറിച്ച് കൊച്ചിയിൽ ശിൽപ്പശാല സംഘടിപ്പിച്ചു. കേരള ബാങ്ക് മട്ടാഞ്ചേരി ശാഖ സംഘടിപ്പിച്ച ശിൽപ്പശാലയിൽ സംസ്ഥാന ഫിഷറീസ് വകുപ്പ്, സമുദ്രോത്പന്ന കയറ്റുമതി പ്രോത്സാഹന അതോറിറ്റി എന്നിവയുടെ പ്രതിനിധികൾ പങ്കെടുത്തു..
കൊച്ചി എം.എൽ.എ. കെ.ജെ മാക്‌സി ശിൽപ്പശാല ഉദ്ഘാടനം ചെയ്തു. കേരള ബാങ്ക് റിസോഴ്‌സ് പേഴ്‌സൺ കുമാർ, മട്ടാഞ്ചേരി ശാഖ മാനേജർ ആർ.ശ്യാംരാജ്, എറണാകുളം ഏരിയ മാനേജർ രാജലക്ഷ്മി, പള്ളുരുത്തി സർവീസ് സഹകരണ ബാങ്ക് പ്രസിഡന്റ് കെ.പി. ശെൽവൻ, മത്സ്യതൊഴിലാളി കടാശ്വാസ കമ്മിഷൻ അംഗം ആന്റണി ഷീലൻ എന്നിവർ പങ്കെടുത്തു.
കൊച്ചി, ഞാറയ്ക്കൽ, തൃപ്പുണിത്തുറ നിയോജക മണ്ഡലത്തിലെ 300ൽ അധികം പരമ്പരാഗത, വാണിജ്യ കർഷകർ ശിൽപ്പശാലയിൽ പങ്കെടുത്തു.