'ടിവികെയിലുള്ള സ്ത്രീകൾക്ക് മാത്രമാണോ അന്തസ്സുള്ളത്?'; വിജയ്‌യോട് ചോദ്യങ്ങളുമായി മേയർ, അശ്ലീല  പോസ്റ്റിനെതിരെ പരാതി

ചെന്നൈ: സോഷ്യൽ മീഡിയയിൽ പ്രചരിച്ച അശ്ലീല പോസ്റ്റിനെതിരെ ചെന്നൈ മേയർ ആർ പ്രിയ പൊലീസ് കമ്മീഷണർക്കും തമിഴ്നാട് സൈബർ ക്രൈം വിംഗിനും പരാതി നൽകി. തമിഴക വെട്രി കഴകം (ടിവികെ) പാർട്ടിയിലുള്ള സ്ത്രീകൾക്ക് മാത്രമാണോ അന്തസ്സുള്ളത്, മറ്റുള്ള സ്ത്രീകൾക്ക് അന്തസ്സ് ഉണ്ടാകാൻ പാടില്ലെന്നതാണോ പാർട്ടിയുടെ ഔദ്യോഗിക നിലപാടെന്നും പ്രിയ ചോദിച്ചു.

ചൊവ്വാഴ്ചയാണ് തനിക്കെതിരെയുണ്ടായ അശ്ലീല പോസ്റ്റിനെതിരെ മേയർ പരാതി നൽകിയത്. ലൈംഗികമായി അപമാനിക്കുന്നതും തരംതാണ പരിഹാസത്തിലേക്ക് തള്ളിവിടുന്നതുമാണ് ഈ പോസ്റ്റെന്നാണ് പരാതിയിൽ പ്രിയ ആരോപിക്കുന്നത്. പരാതി നൽകിയ ശേഷം അതിന്റെ പകർപ്പ് എക്സ് പേജിൽ മേയർ പങ്കുവച്ചിട്ടുണ്ട്.

സ്ത്രീകളെ അധിക്ഷേപിക്കുന്ന നിലപാടുകളെ പരസ്യമായി തള്ളിപ്പറയുമ്പോഴും തങ്ങളുടെ അനുയായികൾക്ക് സ്ത്രീകൾക്കെതിരെ അപകീർത്തികരമായ പരാമർശങ്ങൾ നടത്താൻ ടിവികെ അനുവാദം നൽകുന്നുണ്ടോ എന്ന് അവർ ചോദിച്ചു. പൊതുജീവിതത്തിൽ നിൽക്കുന്നതിന്റെ പേരിൽ മാത്രം തനിക്കെതിരെ അശ്ലീലവും അധിക്ഷേപകരവുമായ പരാമർശങ്ങൾ നടത്തുന്നത് ടിവികെയുടെ നയമാണോയെന്ന് പ്രിയ ആരാഞ്ഞു.

'ടിവികെ വിർച്വൽ വാരിയേഴ്സ്' എന്ന പേരിൽ പ്രവർത്തിക്കാൻ അധിക്ഷേപകർക്ക് അവസരം നൽകുന്നത് ശരിയാണോയെന്ന് മുഖ്യമന്ത്രി വിജയിയോട് മേയർ ചോദിച്ചു. കൂടാതെ പരാതി നൽകിയിട്ടും പൊലീസ് ഉചിതമായ നടപടിയെടുക്കുന്നല്ലെന്നും മേയർ ആരോപിച്ചു. ആശയപരമായ സംവാദം നടത്തുന്നതിന് പകരം സ്ത്രീകളെ ഇങ്ങനെ അശ്ലീല രീതിയിൽ ചിത്രീകരിക്കുന്നത് എങ്ങനെ ന്യായീകരിക്കാനാകുമെന്നും പ്രിയ ചോദിച്ചു.

நான் பொது வாழ்வில் இருக்கிறேன் என்ற ஒரே காரணத்திற்க்காக என்னை பற்றி ஆபாசமாகப் பேசுவதும், என்னை இழிவாக தொடர்ந்து பேசுவதும் தான் த.வெ.க அரசின் கொள்கையா?
ஏன் பெண்கள் பொது வாழ்க்கையில் ஈடுபட கூடாதா?
மாண்புமிகு முதலமைச்சர் அவர்களே,
த.வெ.க virtual warriors என்று சொல்லிக்கொண்டு,
Virtual abusers உருவாக்குவது நியாயமா?
என்மீது, தொடுக்கப்பட்ட அத்தனை, ஆபாச, கேலி இழி செயலுக்கும் தலைமை காவல் நிலையத்தில் புகாரளித்தும் உரிய நடவடிக்கை இல்லையே ஏன்?

கொள்கை ரீதியாக எதிர்காமல் இப்படி ஆபாச ரீதியாக பெண்களை சித்தரிப்பது எந்த வகையில் நியாயம்?

த.வெ.க வை சேர்ந்த பெண்களுக்கு மட்டும் தான் மாண்பு உள்ளதா?
இல்லை மற்ற பெண்களுக்கு மாண்பு இருக்க கூடாது என்பது தான் த.வெ.கா. அரசின் நிலைபாடா?

— Priya (@PriyarajanDMK) October 20, 2026