വില്ലി വാൽഷ് ഇൻഡിഗോ സി.ഇ.ഒ

കൊച്ചി: ഏറ്റവും വലിയ വിമാനക്കമ്പനിയായ ഇൻഡിഗോയുടെ പുതിയ ചീഫ് എക്‌സിക്യൂട്ടീവ് ഓഫീസറായി (സി.ഇ.ഒ) വ്യോമയാന രംഗത്തെ പ്രമുഖനും പൈലറ്റുമായ വില്ലി വാൽഷ് ചുമതലയേറ്റു. അയർലൻഡ് സ്വദേശിയായ വാൽഷ്, ജൂലായ് 31-ന് ഇന്റർനാഷണൽ എയർ ട്രാൻസ്‌പോർട്ട് അസോസിയേഷന്റെ (ഐ.എ.ടി.എ) ഡയറക്ടർ ജനറൽ സ്ഥാനം ഒഴിഞ്ഞ ശേഷമാണ് ഇൻഡിഗോയുടെ നേതൃത്വത്തിലെത്തിയത്. കഴിഞ്ഞ ഡിസംബറിലെ പ്രവർത്തന തടസങ്ങളെ തുടർന്ന് മുൻ സി.ഇ.ഒ പീറ്റർ എൽബേഴ്സ് രാജിവെച്ചതിന് പിന്നാലെ മാർച്ച് 31-നാണ് വാൽഷിനെ നിയമിച്ചത്.

ആഗോള വികസന പദ്ധതികൾക്ക് നേതൃത്വം നൽകുക, പ്രവർത്തന മികവ് ശക്തിപ്പെടുത്തുക, റൂട്ട്ശൃംഖലയും വാണിജ്യ തന്ത്രങ്ങളും വിപുലപ്പെടുത്തുക, ഉപഭോക്തൃ സേവനം മെച്ചപ്പെടുത്തുക എന്നിവയ്ക്കാകും വാൽഷ് മുൻഗണന നൽകുകയെന്ന് കമ്പനി അറിയിച്ചു.