വീഗാലാൻഡ് ഐ.പി.ഒയ്ക്ക് മികച്ച പ്രതികരണം

കൊച്ചി: വി ഗാർഡ് ഗ്രൂപ്പിന്റെ ഭാഗമായ വീഗാലാൻഡ് ഡെവലപ്പേഴ്‌സിന്റെ പ്രാരംഭ ഓഹരി വിൽപ്പനയിൽ(ഐ.പിഒ) മികച്ച നിക്ഷേപ പങ്കാളിത്തം. ഇന്നലെ അവസാനിച്ച ബിഡിംഗിൽ 13.55 മടങ്ങ് അപേക്ഷകളാണ് ലഭിച്ചത്. 1.13 കോടി ഓഹരികൾക്കാണ് നിക്ഷേപകരെ ക്ഷണിച്ചതെങ്കിലും 15.33 കോടി ഓഹരികൾക്കുള്ള ബിഡ് ലഭിച്ചു. നോൺ ഇൻസ്‌റ്റിറ്റ്യൂഷണൽ നിക്ഷേപകരുടെ വിഭാഗത്തിൽ 18.03 മടങ്ങ് സബ്സ്‌ക്രൈബ് ചെയ്തു. റീട്ടെയിൽ നിക്ഷേപകരുടെ വിഭാഗത്തിൽ 9.24 മടങ്ങ് സബ്സ്ക്രിപ്ഷൻ ലഭിച്ചു. ഐ.പി.ഒയിലൂടെ 210 കോടി രൂപ സമാഹരിക്കാനാണ് ലക്ഷ്യമിട്ടത്. ഓഹരി ഒന്നിന് 130 മുതൽ 140 രൂപ വരെയാണ് നിശ്ചയിച്ചത്.