ദീപാവലി അടുക്കുന്നതിനിടെ സ്വർണവില എങ്ങോട്ട്; ഇന്നത്തെ നിരക്കറിയാം

തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഇന്നലെ ഗ്രാമിന് 60 രൂപ കൂടി 13,195 രൂപയും പവന് 480 രൂപ കൂടി 1,05,560 രൂപയിലുമായിരുന്നു. ഇന്നും അതേ വില തന്നെ തുടരും. അന്താരാഷ്ട്ര വിലയിലെ കയറ്റിറക്കങ്ങളാണ് കേരളത്തിലെ സ്വർണവിലയെയും സ്വാധീനിച്ചത്.

അന്താരാഷ്ട്ര വിപണിയിലെ ചലനങ്ങളാണ് കേരളത്തിലെ സ്വർണവിലയിലും പ്രധാനമായും പ്രതിഫലിക്കുന്നത്. ആഗോള വിപണിയിൽ സ്വർണവിലയ്ക്ക് പിന്തുണ നൽകുന്ന പ്രധാന ഘടകങ്ങളിൽ പശ്ചിമേഷ്യൻ സംഘർഷങ്ങളിൽ തുടരുന്ന അനിശ്ചിതത്വവും യുഎസ് ഡോളറിലെ മാറ്റങ്ങളും ഉൾപ്പെടുന്നുണ്ട്.

വെള്ളിവില

സംസ്ഥാനത്ത് ഇന്ന് വെള്ളിവിലയിൽ മാറ്റമില്ല. ഗ്രാമിന് 220 രൂപയാണ്. 10 ഗ്രാമിന് 2,200 രൂപയും 100 ഗ്രാമിന് 22,000 രൂപയുമാണ്.