യുഎഇയിൽ 2027ലെ പൊതുഅവധി ദിനങ്ങൾ പ്രഖ്യാപിച്ചു; മുൻകൂട്ടി പ്ളാൻ ചെയ്താൽ പ്രവാസികൾക്ക് അവധി നീട്ടാം

അബുദാബി: യുഎഇയിൽ 2027ലെ പൊതു അവധി ദിനങ്ങൾ പ്രഖ്യാപിച്ചു. ദേശീയ, മതപരമായ സന്ദർഭങ്ങൾ കണക്കിലെടുത്താണ് യുഎഇയിൽ കൂടുതൽ അവധിയും കണക്കാക്കുന്നത്. ഇതിൽ ഇസ്ളാമിക കലണ്ടർ അനുസരിച്ചുള്ള അവധി ദിനങ്ങളും ഉൾപ്പെടും.

2027ലെ പൊതുഅവധി ദിനങ്ങൾ

• ന്യൂ ഇയർ- ജനുവരി 1 2027, വെള്ളി
• ഈദ് അൽ ഫിത്തർ (റമദാൻ)- ഫെബ്രുവരി എട്ട് തിങ്കളിന് ആരംഭിക്കും. പിറ കാണുന്നതിനനുസരിച്ച് മൂന്ന് ദിവസമോ നാല് ദിവസമോ അവധി ലഭിക്കും
• അറഫ ദിനവും അതിന് പിന്നാലെ ഈദ് അൽ അദ്ഹ- മേയ് 15 മുതൽ മേയ് 18 വരെ നാല് ദിവസം
• മുഹറം - ജൂൺ ആറ് ഞായർ (പിറ കാണുന്നതിനനുസരിച്ച് മാറ്റം വരാം)
• പ്രവാചകൻ മുഹമ്മദിന്റെ ജന്മദിനം- ഓഗസ്റ്റ് 14 ശനി
• ഈദ് അൽ ഇത്തിഹാദ് - ഡിസംബർ രണ്ട്, മൂന്ന് വെള്ളിയും ശനിയും

അവധി ദിനങ്ങൾക്കായി മുൻകൂട്ടി പ്ളാൻ ചെയ്യാം

• ജനുവരി ഒന്ന് വെള്ളിയായതിനാൽ വാരാന്ത്യ അവധി കൂടി ചേർത്ത് മൂന്ന് ദിവസത്തെ അവധി ലഭിക്കും. രണ്ട് ദിവസത്തെ ലീവിന് മുൻകൂറായി അപേക്ഷ നൽകിയാൽ മൊത്തത്തിൽ അഞ്ച് ദിവസം ആസ്വദിക്കാം.
• ഈദ് അൽ ഫിത്തറിനോടനുബന്ധിച്ച് മാർച്ച് എട്ട് തിങ്കളാഴ്ച ലീവെടുത്താൽ റമദാൻ 29 ദിവസമാണെങ്കിൽ ആകെ ആറ് ദിവസത്തെ അവധി ലഭിക്കും. റമദാൻ 30 ദിവസമാണെങ്കിൽ ഒമ്പത് ദിവസത്തെയും (മാർച്ച് 6 ശനിയാഴ്ച മുതൽ മാർച്ച് 14 ഞായറാഴ്ച വരെ) നീണ്ട അവധി ലഭിക്കും.
• അറഫാ ദിനത്തിലും ഈദ് അൽ അദ്ഹയിലും മൂന്ന് ദിവസം മുൻകൂട്ടി ലീവെടുത്താൽ മേയ് 15 ശനിയാഴ്ച മുതൽ മേയ് 23 ഞായറാഴ്ച വരെയുള്ള പൊതുഅവധി കൂടി ഉൾപ്പെടുമ്പോൾ ഏഴ് ദിവസത്തെ അവധി ലഭിക്കും.
• നാല് ദിവസത്തെ നീണ്ട അവധിയായി പ്രതീക്ഷിക്കുന്ന ഈദ് അൽ ഇത്തിഹാദ് സമയത്ത്, ഡിസംബർ ഒന്ന് ബുധനാഴ്ച കൂടി അവധിയെടുക്കുകയാണെങ്കിൽ ആകെ അഞ്ച് ദിവസത്തെ അവധി ലഭിക്കും.