പദ്ധതി വിപുലീകരിച്ച് വിജയ് സർക്കാർ;  സ്ത്രീകൾക്ക് എല്ലാ ബസിലും സൗജന്യയാത്ര

ചെന്നൈ: തമിഴ്നാട്ടിൽ സ്ത്രീകൾക്ക് ഇനി എക്സ്പ്രസ്, ലിമിറ്റഡ്, ഡീലക്സ്, മൊഫ്യൂസൽ ബസുകളിലും സൗജന്യ യാത്ര. 'വെട്രി പയനം' എന്ന വിപുലീകരിച്ച യാത്രാ പദ്ധതിയുടെ ഉദ്ഘാടനം കോയമ്പേട് ബസ് സ്റ്റാൻഡിൽ വനിതകൾക്ക് ടിക്കറ്ര് നൽകിക്കൊണ്ട് മുഖ്യമന്ത്രി വിജയ് ഉദ്ഘാടനം ചെയ്തു. ടി.വി.കെയുടെ പ്രധാന തിരഞ്ഞെടുപ്പ് വാഗ്ദാനങ്ങളിലൊന്നായിരുന്നു എല്ലാ ബസുകളിലും സ്ത്രീകൾക്ക് സൗജന്യബസ് യാത്രയെന്നത്.

ബഡ്ജറ്റിൽ ഉൾപ്പെടുത്തിയാണ് പദ്ധതി നടപ്പാക്കിയത്. പദ്ധതിയിലൂടെ 84.32 ലക്ഷം സ്ത്രീകൾക്ക് പ്രയോജനമുണ്ടാകുമെന്നാണ് വിലയിരുത്തൽ. 2021ൽ മുൻ ഡി.എം.കെ സർക്കാർ അവതരിപ്പിച്ച 'കലൈഞ്ജർ മകളിർ വിടിയൽ പയനം" എന്ന പദ്ധതിയുടെ പരിഷ്‌കരിച്ച രൂപമാണിത്.