അജിത്കുമാർ സി.എ.ടിയെ സമീപിക്കും

തിരുവനന്തപുരം: സർവീസിൽ നിന്ന് സസ്‌പെൻഡ് ചെയ്ത നടപടിക്കെതിരെ എ.ഡി.ജി.പി എം.ആർ. അജിത് കുമാർ കേന്ദ്ര അഡ്മിനിസ്‌ട്രേറ്റീവ് ട്രൈബ്യൂണലിനെ സമീപിക്കുമെന്ന് സൂചന. നടപടിക്രമങ്ങൾ പാലിക്കാതെയാണ് സസ്‌പെൻഷൻ നടപ്പാക്കിയതെന്ന വാദമുയർത്തി ഹർജി നൽകാനാണ് നീക്കം.

ഇതിനുള്ള നിയമ നടപടികൾ ആരംഭിച്ചതായും അടുത്തയാഴ്ച ട്രൈബ്യൂണലിനെ സമീപിക്കുമെന്നുമാണ് സൂചന. ഹർജി തയ്യാറാക്കുന്നതിനായി എറണാകുളത്തെ അഭിഭാഷകനുമായി അജിത് കുമാർ ആശയവിനിമയം നടത്തിയതായും അറിയുന്നു. അജിത്കുമാറിനെതിരെ വകുപ്പുതല അന്വേഷണം ഉടൻ ആരംഭിക്കും. ഡി.ജി.പി റാങ്കിലുള്ള ഉദ്യോഗസ്ഥനായിരിക്കും അന്വേഷണ ചുമതല.