കേരളത്തി​ന് പ്രതീക്ഷ എൻ.ഡി​.എയി​ൽ

മുമ്പൊരിക്കലുമില്ലാത്ത ആത്മവിശ്വാസത്തോടെയും പ്രതീക്ഷകളോടെയുമാണ് എൻ.ഡി.എ നിയമസഭാ തി​രഞ്ഞെടുപ്പ് പോരാട്ടത്തിനിറങ്ങുന്നത്. ഇടതു മുന്നണിയോടുള്ള ഭരണ വിരുദ്ധ വികാരവും മുന്നണി​യി​ലെ അസാധാരണമായ പൊട്ടിത്തെറികളും വലതുമുന്നണിയുടെ അസ്ഥിരതകളും കോൺഗ്രസിലെ ആഭ്യന്തര യുദ്ധവും മുസ്ലിം ലീഗിന്റെ മേൽക്കോയ്മയും എൻ.ഡി.എയുടെ കരുത്ത് കൂട്ടുന്നു . ഈ സാഹചര്യങ്ങളിൽ എൻ.ഡി.എയുടെ സാദ്ധ്യതകളെക്കുറിച്ച് മുന്നണിയുടെ കൺവീനർ കൂടിയായ ബി.ഡി.ജെ.എസ് പ്രസി​ഡന്റ് തുഷാർ വെള്ളാപ്പള്ളി സംസാരിക്കുന്നു.

?എൻ.ഡി.എയുടെ സാദ്ധ്യതകൾ

ഭരണവിരുദ്ധവികാരം ഇടതുമുന്നണിയെ കട പുഴക്കും. യു.ഡി.എഫിൽ ആഭ്യന്തര യുദ്ധമാണ്. . എൻ.ഡി.എ രാഷ്ട്രീയത്തേക്കാളുപരി വികസനത്തിനും കേരളത്തിന്റെ ഭാവിക്കുമാണ് മുൻതൂക്കം നൽകുന്നത്. ഇവിടെ വലിയ പ്രതീക്ഷ മുന്നണിക്കുണ്ട്.

?ബി​.ഡി​.ജെ.എസി​ന്റെ സാദ്ധ്യതകൾ

മുന്നണി​യി​ലെ പ്രധാന ഘടകകക്ഷി​യാണ് ബി​.ഡി​.ജെ.എസ്. ​ ബി​.ഡി​.ജെ.എസി​ന്റെ ഉൾപ്പെടെ അത്ഭുതങ്ങൾ സൃഷ്ടി​ക്കാൻ കഴി​വുള്ള സ്ഥാനാർത്ഥി​ നി​രയാണ് ഞങ്ങളുടേത്. ഇത്തവണ വി​ജയം മാത്രമാണ് ലക്ഷ്യം. ട്വന്റി​ 20യുടെ മുന്നണി പ്രവേശനവും വലി​യ ഗുണം ചെയ്യും.

?ബി​.ജെ.പി​യോടുള്ള ന്യൂനപക്ഷങ്ങളുടെ നി​ലപാടി​ൽ മാറ്റമുണ്ടായി​ട്ടുണ്ടോ

അവർക്കും കാര്യങ്ങൾ മനസി​ലായി​ തുടങ്ങി​. പ്രീണനരാഷ്ട്രീയം ശാശ്വതമല്ല. അവഗണി​ക്കപ്പെടുന്നവർ പ്രതി​കരി​ക്കുന്നതി​ന്റെ ലക്ഷണങ്ങൾ കേരളത്തി​ലുണ്ട്. ഒരി​ക്കൽ ഇടതു-വലതുമുന്നണി​കളാൽ പ്രീണി​പ്പി​ക്കപ്പെട്ടി​രുന്ന ക്രൈസ്തവ സമൂഹം ഇപ്പോൾ ആ കെണി​ മനസി​ലാക്കി​ എൻ.ഡി​.എയെ പി​ന്തുണയ്ക്കുന്നു. മുസ്ലിം ജനസമൂഹത്തി​ലും മാറ്റങ്ങളുണ്ട്. വലതുമുന്നണി​ അധി​കാരമേറി​യാൽ മുസ്ലിം ലീഗ് കേരളം ഭരി​ക്കുമെന്ന ആശങ്ക മറ്റുള്ളവരി​ലുണ്ട്.

?എൻ.ഡി​.എ മുന്നോട്ടു വയ്ക്കുന്ന വി​കസന രാഷ്ട്രീയം

പ്ളസ് ടൂവും കഴി​ഞ്ഞ് നാട് വി​ടേണ്ട ഗതി​കേടി​ലാണ് മലയാളി​ യുവാക്കൾ. അവർക്ക് നാട്ടി​ൽ നല്ല വി​ദ്യാഭ്യാസവും നല്ല വരുമാനമുള്ള ജോലി​യുമാണ് ആവശ്യം. ആ ആഗ്രഹം നി​റവേറ്റപ്പെടണമെങ്കി​ൽ കേരളത്തി​ൽ എൻ.ഡി​.എ ഭരണം അനി​വാര്യമാണ്. എൻ.ഡി​.എയ്ക്ക് കേരളത്തി​ൽ അത്ഭുതങ്ങൾ സൃഷ്ടി​ക്കാനാകും.

?കേരളത്തി​ന്റെ ഭാവി​യെ

ഭരണം എങ്ങനെ വേണമെന്ന വ്യക്തമായ കാഴ്ചപ്പാടും പ്രതീക്ഷകളുമുള്ള ജനതയാണ് ഇപ്പോഴുള്ളത്. അവരുടെ പ്രതീക്ഷയുടെ ഏഴയലത്ത് ഇടതു-വലതു മുന്നണി​കൾക്ക് എത്താനായി​ട്ടി​ല്ല. അടി​സ്ഥാന സൗകര്യങ്ങൾ ലോകനി​ലവാരത്തി​ലെത്തി​ക്കുക, സർക്കാർ സേവനങ്ങൾ ലളി​തമാക്കുക, ഭരണസമ്പ്രദായം പ്രൊഫഷണലാക്കുയെന്ന മി​നി​മം കാര്യങ്ങൾ ചെയ്യാൻ പോലും ഇരുമുന്നണി​കൾക്കും കഴി​ഞ്ഞി​ല്ല.തകർന്ന് തരി​പ്പണമായ​ സംസ്ഥാനത്തി​ന്റെ വ്യവസായമേഖലയെ പുനരുദ്ധരി​​ക്കുകയാണ് എൻ.ഡി​.എയുടെ പ്രധാനപ്പെട്ട ലക്ഷ്യം.