എൻ.എച്ച്.എം കരാർ കാലാവധി നീട്ടി

തിരുവനന്തപുരം: നാഷണൽ ഹെൽത്ത് മിഷനിലെ (എൻ.എച്ച്.എം) കരാർ ജീവനക്കാരുടെ കരാർ കാലാവധി 2 മാസത്തേക്ക് കൂടി ദീർഘിപ്പിച്ച് ആരോഗ്യവകുപ്പ് ഉത്തരവിറക്കി. നേരത്തേ മേയ് 30 മുതൽ 3 മാസത്തേക്ക് കാലാവധി നീട്ടിയിരുന്നു. ഇത് അവസാനിച്ച സാഹചര്യത്തിലാണ് 2 മാസം കൂടി നീട്ടിയത്. ജീവനക്കാരുടെ ജോലിയിലെ മികവ്, സേവനത്തിലെ അനിവാര്യത, ഫണ്ടിന്റെ ലഭ്യത തുടങ്ങിയവ പരിശോധിച്ച് അർഹരായവർക്കാണ് കരാർ നീട്ടുക. കരാർ നീട്ടുന്നത് നിലവിലുള്ള എല്ലാ കരാർ ജീവനക്കാർക്കും ബാധകമല്ലെന്നും ഉത്തരവിൽ പറയുന്നു.