വീടിന് മേലേക്ക് നിയന്ത്രണം വിട്ട കാർ മറിഞ്ഞു

ബേഡകം: നിയന്ത്രണം വിട്ട കാറ് നിർമ്മാണം നടന്നുകൊണ്ടിരുന്ന വീടിന് മേലേക്ക് മറിഞ്ഞു. അപകടത്തിൽ കാറിലുണ്ടായിരുന്ന ഒരാൾക്ക് പരിക്കേറ്റു. കണ്ണൂർ എട്ടിക്കുളം സ്വദേശിയായ മസൂദ് തങ്ങൾക്കാണ് പരിക്ക്. പരപ്പനങ്ങാടി സ്വദേശിയായ അബ്ദുള്ളയാണ് കാറോടിച്ചിരുന്നത്. വെള്ളിയാഴ്ച വൈകിട്ട് നാലര മണിയോടെയാണ് സംഭവം പുത്തൂർ ഭാഗത്ത് നിന്ന് പൊയിനാച്ചി ഭാഗത്തേക്ക് പോകുകയായിരുന്ന കെ.എ 19 എം.എം 8722 ഇന്നോവ കാറാണ് നിയന്ത്രണം വിട്ടു മറിഞ്ഞത്. പള്ളത്തിങ്കാൽ പയ്യങ്ങാനത്തെ ഇലക്ടിഷ്യനായ ഇ .ഗോപിനാഥന്റെ നിർമ്മാണം നടന്നു കൊണ്ടിരിക്കുന്ന വീട്ടിന് മേലേക്ക് വീഴുകയായിരുന്നു.തൊട്ടടുത്ത് പണിയിൽ ഏർപ്പട്ടിരുന്ന ഗോപിനാഥൻ ഓടി രക്ഷപ്പെടുകയായിന്നു വിവരമറിഞ്ഞ് എത്തിയ നാട്ടുകാർ രക്ഷാപ്രവർത്തനം നടത്തി.