ജൂലറിയിൽ മോഷണം

​അഞ്ചൽ: ഓണത്തിരക്ക് മുതലെടുത്ത് സ്വർണക്കടയിൽ നിന്ന് മോതിരം മോഷ്ടിച്ച് ഓടിയ പ്രതിയെ നാട്ടുകാർ ഓടിച്ചിട്ട് പിടികൂടി. തിരുവനന്തപുരം സ്വദേശിയായ സുലൈമാനാണ് (60) പിടിയിലായത്. അഞ്ചൽ മാർക്കറ്റ് ജംഗ്ഷനിൽ പ്രവർത്തിക്കുന്ന 'ജൂവൽ വർക്ക്സ്' എന്ന സ്ഥാപനത്തിലാണ് സംഭവം. ​ഇന്നലെ ഉച്ചയ്ക്ക് 12.30 ഓടെയായിരുന്നു സംഭവം. ഒരുഗ്രാം തൂക്കം വരുന്ന മോതിരം വാങ്ങിയ ശേഷം പണം നൽകാനെന്ന വ്യാജേന കടന്നുകളയാൻ ശ്രമിക്കുകയായിരുന്നു. തുടർന്ന് നാട്ടുകാരും തൊഴിലാളികളും ചേർന്ന് പിന്തുടർന്ന് പ്രതിയെ പിടികൂടുകയായിരുന്നു. അഞ്ചൽ പൊലീസ് കേസെടുത്ത് അന്വേഷണം ആരംഭിച്ചു.