പരിശോധന ശക്തമാക്കി

കോട്ടയം: നിയമസഭാ തിരഞ്ഞെടുപ്പുവേളയിൽ അനധികൃതമായി പണവും മദ്യവുമടക്കം വിതരണം ചെയ്ത് വോട്ടർമാരെ സ്വാധീനിക്കുന്നത് തടയുകയെന്ന ലക്ഷ്യത്തോടെ രൂപീകരിച്ച സ്റ്റാറ്റിക് സർവെയിലൻസ് ടീമുകൾ ജില്ലയിൽ പ്രവർത്തിക്കുന്നത് 27 കേന്ദ്രങ്ങളിൽ. 3 ഷിഫ്റ്റുകളിലായി 81 പേരാണ് 24 മണിക്കൂറും പരിശോധന നടത്തുന്നത്. ടീം ലീഡർ, പൊലീസ് ഉദ്യോഗസ്ഥൻ, വീഡിയോഗ്രാഫർ എന്നിവരടങ്ങുന്നതാണ് ഓരോ ടീമും. മതിയായ രേഖകളില്ലാതെ പണമോ മറ്റ് സാധനങ്ങളോ കടത്തുന്നത് ശ്രദ്ധയിൽപ്പെട്ടാൽ പിടിച്ചെടുക്കാനും തുടർനടപടികൾ സ്വീകരിക്കാനും സ്‌ക്വാഡിന് അധികാരമുണ്ട്. 50000 രൂപയിലധികം കൈവശം വയ്ക്കുന്നവർ കൃത്യമായ രേഖകൾ കാണിച്ചില്ലെങ്കിൽ നടപടിയെടുക്കും.