ആറുകിലോ കഞ്ചാവുമായി യുവാവ് പിടിയിൽ

ചെങ്ങന്നൂർ: എക്സൈസ് , റെയിൽവേ പ്രൊട്ടക്ഷൻ ഫോഴ്സ് , ആലപ്പുഴ എക്സൈസ് ഇന്റലിജൻസ് വിഭാഗം എന്നിവരുടെ സംയുക്ത പരിശോധനയിൽ ആറുകിലോഗ്രാം കഞ്ചാവുമായി യുവാവിനെ പിടികൂടി.

കഴി​ഞ്ഞദി​വസം രാത്രി 11 മണിയോടെ ചെങ്ങന്നൂർ റെയിൽവേ സ്റ്റേഷനിലെ ഒന്നാം പ്ലാറ്റ്ഫോമിൽ ക്ലോക്ക് റൂമിന് സമീപം നടത്തിയ പരിശോധനയിലാണ് വിൽപ്പനയ്ക്കായി കടത്തിക്കൊണ്ടുവന്ന കഞ്ചാവുമായി ബെംഗളൂരു അർബൻ ജില്ലയിലെ ചിക്കബനഹള്ളി കണ്ണമംഗല സീഗഹള്ളി, ഹൗസ് നമ്പർ 203-ൽ താമസിക്കുന്ന രാജൗൾ (22) പിടിയിലായത്.

പ്രതിക്കെതിരെ ചെങ്ങന്നൂർ എക്സൈസ് റേഞ്ച് ഇൻസ്പെക്ടർ സജീവ് വി.യുടെ നേതൃത്വത്തിൽ കേസ് രജിസ്റ്റർ ചെയ്തു. പരിശോധനയിൽ എക്സൈസ് അസിസ്റ്റന്റ് എക്സൈസ് ഇൻസ്പെക്ടർ ബിജു പ്രകാശ്, ജോജൻ ജോൺ, പ്രിവന്റീവ് ഓഫീസർമാരായ ബിനോയ് പി.ആർ, ഷാജഹാൻ , സിവിൽ എക്സൈസ് ഓഫീസർമാരായ അമൽ പ്രവീൺ, ബബിത രാജ്, ആശ, ആർ.പി.എഫ് ക്രൈം ഇന്റലിജൻസ് ഇൻസ്പെക്ടർ ജിബിൻ.എ.ജെ., എസ്.ഐമാരായ പ്രൈസ് മാത്യു, ഹരികൃഷ്ണൻ, എ.എസ്.ഐ.വിജയകുമാർ, ഹെഡ് കോൺസ്റ്റബിൾ വിപിൻ, എക്സൈസ് ഇന്റലിജൻസ് ബ്യൂറോ ഇൻസ്പെക്ടർ അബ്ദുൽ വഹാബ് എന്നിവർ പങ്കെടുത്തു.