തിരുവനന്തപുരം: ഏറ്റവും മികച്ച ഡോക്‌ടർമാർ കേരളത്തിലുണ്ടായിരുന്ന കാലഘട്ടം ഇനി മാറുമെന്ന് ഐഎംഎ സംസ്ഥാനപ്രസിഡന്റ് സുൾഫി നൂഹു. ഏറ്റവും മിടുക്കരായ വിദ്യാർത്ഥികൾ എംബിബിഎസ് തിരഞ്ഞെടുക്കാത്തത് തന്നെയാണ് അതിന് കാരണമെന്ന് നൂഹു വെളിപ്പെടുത്തുന്നു. കേരളത്തിൽ ജോലി സാദ്ധ്യത കുറവാണെന്നതും ഈ തീരുമാനമെടുക്കാൻ യുവജനതയെ പ്രേരിപ്പിക്കുന്നുവെന്ന് സുൽഫി പറയുന്നു.

ഏറ്റവും നല്ല മാർക്ക് വാങ്ങുന്നവർക്ക് മാത്രമേ ഇനി കേരളത്തിൽ ജോലി കിട്ടുകയുള്ളൂ. അങ്ങനെയൊരു സാഹചര്യത്തിൽ ആക്രമണങ്ങളെ കൂടി നേരിടേണ്ടി വരുമ്പോൾ പുതിയ തലമുറ ഈ ഫീൽഡിലേക്ക് വരാൻ ഭയക്കുകയാണ്. വളരെ അപകടകരമായ സാഹചര്യമാണത്. കൗമുദി ടിവിയുടെ സ്ട്രെയിറ്റ് ലൈൻ അഭിമുഖത്തിൽ സംസാരിക്കുകയായിരുന്നു അദ്ദേഹം.