SignIn
Kerala Kaumudi Online
Thursday, 25 July 2024 12.30 AM IST

ധ്യാൻ ശ്രീനിവാസൻ ചിത്രത്തിന്റെ ഷൂട്ടിംഗ് തടഞ്ഞ് വ്യാപാരികൾ; പ്രശ്നം പരിഹരിച്ചത് പണം നൽകി

dhyan

ഇടുക്കി: ധ്യാൻ ശ്രീനിവാസൻ നായകനാകുന്ന 'ഒസ്സാന' എന്ന ചിത്രത്തിന്റെ ഷൂട്ടിംഗ് ഇടതുപക്ഷ സംഘടനയായ കേരള വ്യാപാരി സമിതിയുടെ നേതാക്കൾ തടഞ്ഞു. കട്ടപ്പന മാർക്കറ്റിനുള്ളിൽ നടത്താൻ നിശ്ചയിച്ചിരുന്ന സംഘട്ടന രംഗത്തിന്റെ ചിത്രീകരണമാണ് തടഞ്ഞത്.

സിനിമയുടെ അണിയറപ്രവർത്തകർ നഗരസഭയിൽ നിശ്ചിത തുകയടച്ച് പച്ചക്കറി മാർക്കറ്റിനുള്ളിൽ ഷൂട്ടിംഗ് നടത്താനുള്ള മുൻകൂർ അനുമതി വാങ്ങിയിരുന്നു. ഇതുപ്രകാരം രാവിലെ അഭിനേതാക്കൾ അടക്കമുള്ളവർ മാർക്കറ്റിലെത്തുകയും ചെയ്തു.

എന്നാൽ ഈ സമയം കേരള വ്യാപാരി സമിതിയുടെ നേതാക്കളെത്തി ഇവരെ തടഞ്ഞു. ഷൂട്ടിംഗ് കച്ചവടത്തെ ബാധിക്കുമെന്നും മുപ്പതിനായിരം രൂപ വേണമെന്നുമായിരുന്നു ആവശ്യം. ഷൂട്ടിംഗ് മുടങ്ങിയാൽ നഷ്ടമുണ്ടാകുമെന്ന് അണിയറപ്രവർത്തകർ പറഞ്ഞിട്ടും കേട്ടില്ല. ഒടുവിൽ പണം നൽകിയാണ് പ്രശ്നം പരിഹരിച്ചത്.

അതേസമയം, കച്ചവടത്തെ ബാധിക്കുമെന്നതിനാലാണ് ഷൂട്ടിംഗ് തടഞ്ഞതെന്നും സിനിമയുടെ അണിയറ പ്രവർത്തകർ നൽകിയ പണം കച്ചവടക്കാർക്ക് വീതിച്ചുനൽകിയെന്നുമാണ് സംഘടനാ പ്രതിനിധികൾ നൽകുന്ന വിശദീകരണം. സംഭവത്തെക്കുറിച്ച് അന്വേഷിക്കുമെന്ന് നഗരസഭാ അദ്ധ്യക്ഷ അറിയിച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: DHYAN SREENIVASAN, OSSANA MOVIE SHOOTING, KATTAPPANA
KERALA KAUMUDI EPAPER
TRENDING IN CINEMA
PHOTO GALLERY
TRENDING IN CINEMA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.