അഹാന കൃഷ്ണയുടെ കല്യാണത്തിൽ സാരിയിൽ അതീവ സുന്ദരിയായി മമിത ബൈജു, ചിത്രങ്ങൾ കാണാം

പത്തുവർഷത്തെ പ്രണയത്തിനുശേഷം നടി അഹാന കൃഷ്ണയും ഛായാഗ്രാഹകൻ നിമിഷ് രവിയും വിവാഹിതരായിരിക്കുകയാണ്. കുടുംബാംഗങ്ങളും അടുത്ത സുഹൃത്തുക്കളും സിനിമാമേഖലയിൽ നിന്ന് ഏറെ അടുപ്പമുള്ളവരും മാത്രമാണ് താജ് കോവളത്ത് നടന്ന വിവാഹച്ചടങ്ങിൽ പങ്കെടുത്തത്.

ദമ്പതികളും കുടുംബാംഗങ്ങളും പുറത്തുവിട്ട ചിത്രങ്ങളിൽ ചടങ്ങിലെ താരങ്ങളായി നടന്മാരായ ദുൽഖർ സൽമാനും തെലുങ്ക് നടൻ ഋഷഭ് ഷെട്ടിയുമുണ്ടായിരുന്നു. ഇപ്പോഴിതാ നടി മമിത ബൈജുവും വിവാഹച്ചടങ്ങിൽ പങ്കെടുത്തതിന്റെ ചിത്രം പുറത്തുവന്നിരിക്കുകയാണ്. അഹാനയുടെ സഹോദരി ദിയ കൃഷ്ണയാണ് മമിതയോടൊപ്പമുള്ള ചിത്രം പങ്കുവച്ചിരിക്കുന്നത്. മാമ്പള മഞ്ഞ നിറത്തിലെ സാരിയും ബ്ളൗസും അണിഞ്ഞ് വളരെ സിമ്പിൾ ലുക്കിൽ അതീവ സുന്ദരിയായാണ് മമിത എത്തിയത്.

ദുൽഖറും ഋഷഭ് ഷെട്ടിയോടുമൊത്തുള്ള കുടുംബ ചിത്രങ്ങളും ദിയ നേരത്തെ സമൂഹമാദ്ധ്യമങ്ങളിൽ പങ്കുവച്ചിരുന്നു. ഇവർക്ക് പുറമെ നടൻ ചന്തു സലിം കുമാർ, സംഗീത സംവിധായകൻ ജേക്‌സ് ബിജോയ്, സംവിധായകൻ ഡൊമിനിക് അരുൺ എന്നിവരും ചടങ്ങിൽ പങ്കെടുത്തിരുന്നു.

View this post on Instagram

A post shared by Diya Krishna (@_diyakrishna_)