സിംഗപ്പൂർ: ആകാശച്ചുഴിയിൽപ്പെട്ട് യാത്രക്കാർക്ക് പരിക്കേറ്റ സംഭവത്തിൽ നഷ്ടപരിഹാരവുമായി സിംഗപ്പൂർ എയർലൈൻസ്. ഗുരുതര പരിക്കേറ്റവർക്ക് ആദ്യ ഗഡുവായി 25,000 ഡോളറും നിസാര പരിക്കേറ്രവർക്ക് 10,000 ഡോളറും നൽകും. യാത്രക്കാർക്ക് ടിക്കറ്റ് നിരക്ക് തിരിച്ചുനൽകും. 12 പേർ ഇപ്പോഴും ചികിത്സയിലാണ്. സിംഗപ്പൂർ എയർലൈൻസിന്റെ ബോയിംഗ് 777-300 ഇ.ആർ വിമാനം കഴിഞ്ഞ മാസമാണ് ആകാശച്ചുഴിയിൽപ്പെട്ടത്. 211യാത്രക്കാരും 18 ജീവനക്കാരുമാണ് വിമാനത്തിലുണ്ടായിരുന്നത്. തുടർന്ന് ലണ്ടനിൽ നിന്ന് സിംഗപ്പൂരിലേക്ക് പോയ വിമാനം ബാങ്കോക്കിൽ എമർജൻസി ലാൻഡിംഗ് നടത്തി,ചുഴിയിൽപ്പെട്ടതിനു പിന്നാലെ ഒരാൾ മരിച്ചിരുന്നു. ഹൃദയാഘാതമാണെന്നാണ് കരുതുന്നത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |