അടുക്കളയിൽ ചില സാധനങ്ങൾ നിലത്ത് വീഴുന്നത് വരാനിരിക്കുന്ന കാര്യങ്ങളുടെ സൂചന; ഇക്കാര്യങ്ങൾ ശ്രദ്ധിക്കാം

അടുക്കളയിൽ പാചകം ചെയ്യുമ്പോഴും ഏതെങ്കിലും സാധനങ്ങൾ എടുക്കുമ്പോഴുമൊക്കെ അബദ്ധത്തിൽ ചിലത് നിലത്ത് വീഴുന്നത് സാധാരണമാണ്. എന്നാൽ ലക്ഷണശാസ്ത്രത്തിൽ പറയുന്നത് നിലത്ത് ചില സാധനങ്ങൾ വീഴുന്നത് സംഭവിക്കാനിരിക്കുന്ന കാര്യങ്ങളുടെ സൂചനയാണെന്നാണ്.

• ഉപ്പ്: ഉപ്പ് തറയിൽ വീഴുന്നത് അശുഭകരമാണെന്നാണ് വിശ്വാസം. ഇത് സാമ്പത്തിക ബുദ്ധിമുട്ടുകളുടെയും ദാരിദ്ര്യത്തിന്റെയും സൂചനയാണെന്ന് പറയപ്പെടുന്നു.
• എണ്ണ: എണ്ണ നിലത്ത് വീഴുകയോ ചെരിയുകയോ ചെയ്യുന്നത് വരാനിരിക്കുന്ന വലിയ ആപത്തിന്റെയോ കടബാദ്ധ്യതയുടെയോ സൂചനയാണ്.
• പാൽ: പാൽ നിലത്ത് വീഴുന്നത് കുടുംബത്തിൽ സമാധാനക്കേടും കലഹവുമുണ്ടാകുമെന്നാണ് വിശ്വാസം.
• ധാന്യങ്ങൾ: അരി പോലുള്ള ധാന്യങ്ങൾ നിലത്ത് വീഴുകയും അതിൽ ചവിട്ടുകയും ചെയ്താൽ ലക്ഷ്മീദേവിയുടെ കോപത്തിന് കാരണമാകുമെന്നാണ് വിശ്വാസം. മാത്രമല്ല, കുടുംബത്തിലെ ഐശ്വര്യം കെടുത്തുമെന്നും പറയപ്പെടുന്നു.
• ചായ, കാപ്പി: ചായയും കാപ്പിയും പോലുള്ള പാനീയങ്ങൾ നിലത്ത് വീഴുന്നത് വീട്ടിൽ അപ്രതീക്ഷിതമായി അതിഥികൾ വരുമെന്നതിന്റെ സൂചനയാണ്.
• കരിപുരണ്ട പാത്രങ്ങൾ: ഇവ താഴെ വീഴുകയും ശബ്ദമുണ്ടാക്കുകയും ചെയ്യുന്നത് വീട്ടിൽ നെഗറ്റീവ് എനർജി നിറയുന്നതിന് കാരണമാകും.