വിട്ടു വീഴ്ച ചെയ്താൽ അവസരം ലഭിക്കുമെന്ന് മാൻവി

'കോംപ്രമൈസിന്' തയ്യാറായാൽ പണം നൽകാമെന്ന് വാഗ്ദാനം തനിക്ക് ലഭിച്ചിട്ടുണ്ടെന്ന് നടി മാൻവി ഗാഗ്രൂ . നിങ്ങൾ കോംപ്രമൈസിന് തയ്യാറാണെങ്കിൽ നിങ്ങൾക്ക് 1 ലക്ഷം രൂപയിലധികം ലഭിക്കും' എന്നായിരുന്നു വാക്കുകൾ. ഇത്തരം സന്ദേശങ്ങൾ തന്നെ ഞെട്ടിച്ചുവെന്നും, എന്നാൽ ഈ മേഖലയിൽ മുന്നോട്ട് പോകുമ്പോൾ എത്രത്തോളം ജാഗ്രത പാലിക്കേണ്ടതുണ്ടെന്ന് മനസ്സിലാക്കാൻ ആ സന്ദേശം കാരണമായെന്നും മാൻവി പറഞ്ഞു.

താരപുത്രന്മാർക്ക് തീർച്ചയായും ആക്സസ് ചെയ്യാൻ എളുപ്പമാണ്. അവർക്ക് ആളുകളെ വളരെ എളുപ്പത്തിൽ കാണാൻ കഴിയും, സിനിമാ മേഖലയുടെ രീതികൾ അവർക്ക് നന്നായി അറിയാം, കൂടാതെ അവർക്ക് വലിയൊരു നെറ്റ് വർക്ക് ഉണ്ട്. എന്നാൽ ആത്യന്തികമായി, ആരാണ് ഇവിടെ നിലനിൽക്കേണ്ടതെന്ന് തീരുമാനിക്കുന്നത് പ്രേക്ഷകരാണ്," മാൻവിയുടെ വാക്കുകൾ.

അതേസമയം, ഒടിടി പ്ലാറ്റ്‌ഫോമുകളുടെ വളർച്ചയും പ്രേക്ഷകരുടെ താല്പര്യങ്ങളിൽ വന്ന മാറ്റങ്ങളും പ്രതിഭയുള്ള കലാകാരന്മാർക്ക് കൂടുതൽ അവസരങ്ങൾ നൽകുന്നുണ്ടെന്നും മാൻവി പറഞ്ഞു.

വർഷങ്ങളായി സിനിമകളിലും വെബ് സീരിസുകളിലും ശ്രദ്ധേയമായ സാന്നിധ്യമാണ് മാൻവി. 'ടിവിഎഫ് പിച്ചേഴ്‌സ്', 'ട്രിപ്ലിംഗ്', 'ഫോർ മോർ ഷോട്സ് പ്ലീസ്!', 'ഹാഫ് സിഎ' തുടങ്ങിയ പ്രോജക്ടുകളിലൂടെയാണ് മാൻവി ശ്രദ്ധേയയായത്.