ഇടമൺ എം. ബാഹുലേയൻ നിര്യാതനായി

കൊല്ലം: കേരളകൗമുദി പത്തനാപുരം, പുനലൂർ ലേഖകൻ പുനലൂർ ഇടമൺ പച്ചയിൽ വീട്ടിൽ എം.ബാഹുലേയൻ (67, റിട്ട. ജീവനക്കാരൻ, ഇടമൺ യു.പി.എസ്) നിര്യാതനായി. ഇന്നലെ പുലർച്ചെ 4.30ന് വീട്ടിൽവച്ചുണ്ടായ ഹൃദയാഘാതത്തെ തുടർന്നാണ് അന്ത്യം. സംസ്കാരം ഇന്ന് ഉച്ചയ്ക്ക് 12ന് വീട്ടുവളപ്പിൽ. പുനലൂർ ടൗൺ പ്രസ് ക്ലബ് സെക്രട്ടറി, സി.പി.ഐ ഇടമൺ നോർത്ത് ലോക്കൽ കമ്മിറ്റി അംഗം, ശ്രീനാരായണ പെൻഷണേഴ്സ് കൗൺസിൽ പുനലൂർ യൂണിയൻ പ്രസിഡന്റ് എന്നീ നിലകളിലും പ്രവർത്തിച്ചിട്ടുണ്ട്. ഭാര്യ: എൻ.ബിന്ദു (ഉറുകുന്ന് കോ-ഓപ്പറേറ്റീവ് ബാങ്ക്, സെക്രട്ടറി ഇൻ ചാർജ്). മക്കൾ: ആതിര പി. ബാബു (അദ്ധ്യാപിക, കുഴിത്തുറ ഗവ. എച്ച്.എസ്.എസ്), അനു പി.ബാബു (ലാബ് അസിസ്റ്റന്റ്, കൊല്ലം എസ്.എൻ കോളേജ്). മരുമകൻ: നജു റോയി (പൊലീസ്).