ബംഗളൂരുവിൽ ഓഫീസിലേക്ക് പോകവെ ഇരുചക്രവാഹനം അപകടത്തിൽപെട്ടു, കോഴിക്കോട് സ്വദേശിനി മരിച്ചു

ബാലുശ്ശേരി: ബംഗളുരുവിലുണ്ടായ വാഹനാപകടത്തിൽ ബാലുശ്ശേരി സ്വദേശിനി മരിച്ചു. തരിയോട് സെന്റ് മേരീസ് സ്‌കൂൾ റിട്ട. അദ്ധ്യാപകനും, തരിയോട് ഗ്രാമ പഞ്ചായത്ത് മുൻ മെമ്പറും ബാലുശ്ശേരിയിലെ സാംസ്‌കാരിക പ്രവർത്തകനുമായ പൃഥ്വിരാജ് മൊടക്കല്ലൂരിന്റെ മകൾ മേഥാ പൃഥ്വിരാജ് (30-പ്രോവിഡന്റ് ഫണ്ട് ഓഫീസ്, ബംഗളുരു) ആണ് മരിച്ചത്.

രാവിലെ ഓഫീസിലേക്ക് പോകവേയാണ് അപകടത്തിൽ പെട്ടത്. അമ്മ: ഉഷ (റിട്ട. അദ്ധ്യാപിക ഗ്രീൻ മൗണ്ട് പബ്ലിക് സ്‌കൂൾ തരിയോട്), ഭർത്താവ്: ആകർഷ് എസ്. എൽ. (ഐ.ടി. ബാംഗ്ലൂർ), മകൻ: ദക്ഷ് ആകർഷ് . സഹോദരൻ: ഗൗതം പൃഥീ രാജ് (എം.ബി.എ വിദ്യാർത്ഥി പോണ്ടിച്ചേരി). സംസ്‌കാരം വ്യാഴാഴ്‌ച രാവിലെ 10 ന് ബാലുശ്ശേരി അറപ്പീടിക ഖാദി റോഡിലെ കൊട്ടക്കാട്ട് വീട്ടുവളപ്പിൽ.