ഭരണഘടന ജീവന്റെ വാഹനം: അംബേദ്കറെ ഉദ്ധരിച്ച് ഹൈക്കോടതി

കൊച്ചി: മന്ത്രി സജി ചെറിയാന്റെ വിവാദപ്രസംഗത്തിൽ തുടരന്വേഷണത്തിന് നിർദ്ദേശിച്ച ഉത്തരവിൽ ഭരണഘടനാശില്പിയെ ഉദ്ധരിച്ച് ഹൈക്കോടതി.

''ഇന്ത്യൻ ഭരണഘടന കേവലം നിയമജ്ഞർക്കുള്ള രേഖയല്ല, ജീവന്റെ വാഹനവും കാലത്തിന്റെ ആത്മാവുമാണ്.." എന്നു തുടങ്ങുന്ന അംബേദ്കർ വചനങ്ങളാണ് ഉത്തരവിൽ ഉൾപ്പെടുത്തിയത്.

ഭരണഘടന പാലിക്കാൻ ബാദ്ധ്യസ്ഥരായ എല്ലാ പൗരന്മാരിലും ഈ വചനങ്ങൾ മുഴങ്ങണം. മന്ത്രിയുടെ പ്രസംഗ വിവാദ കേസിൽ ഇതിന് പ്രത്യേക പ്രസക്തിയുണ്ടെന്നും ജസ്റ്റിസ് ബെച്ചു കുര്യൻ തോമസ് വ്യക്തമാക്കി.

ഭരണഘടനയെയും ദേശീയപതാകയെയും അവഹേളിക്കുന്നത് മൂന്നു വർഷം തടവും പിഴയും ലഭിക്കാവുന്ന കുറ്റമാണ്. എന്നാൽ ഭരണഘടന വിമ‌ർശനത്തിന് അതീതമല്ലെന്ന് കോടതി പറഞ്ഞു. വ്യവസ്ഥകളിൽ ഭേഗദഗതിയോ മാറ്റങ്ങളോ ലക്ഷ്യമിട്ടുള്ള ക്രിയാത്മക വിമർശനങ്ങൾ കുറ്റമല്ലെന്ന് നിയമത്തിൽ പറയുന്നുണ്ട്. മന്ത്രിയുടെ യോഗം ഇത്തരം ലക്ഷ്യത്തോടെയായിരുന്നില്ല. പരാമർശങ്ങൾ സാന്ദർഭികമാണെന്നാണ് പ്രോസിക്യൂഷൻ വാദിക്കുന്നത്. സന്ദർഭവും സാഹചര്യവും വിലയിരുത്തുന്നതിന് വീഡിയോ, ഓഡിയോ ക്ലിപ്പുകളും അതിന്റെ ഫോറൻസിക് റിപ്പോർട്ടും പരിശോധിക്കണമായിരുന്നു. ഇതൊന്നുമില്ലാതെ പൊലീസ് സമർപ്പിച്ച അന്വേഷണ റിപ്പോർട്ട് തൃപ്തികരമല്ല. അന്വേഷണ ഉദ്യോഗസ്ഥൻ അനാവശ്യ തിടുക്കം കാട്ടി.

ഇത്തരം കേസുകളിൽ സി.സി ടി.വി ഫുട്ടേജ് ഹാജരാക്കാത്തത് ശക്തമായ തെളിവ് തടയുന്നതിന് തുല്യമാണെന്ന് സുപ്രീംകോടതി വിധിച്ചിട്ടുണ്ട്. ഡിജിറ്റൽ തെളിവുകൾ ഇല്ലാതെയും അത് വിളിച്ചുവരുത്താതെയും മജിസ്ട്രേട്ട് കോടതി വിധി പറഞ്ഞതും അനുചിതമാണെന്ന് ഹൈക്കോടതി ചൂണ്ടിക്കാട്ടി.

സ​ജി​ ​ചെ​റി​യാ​ൻ​ ​കേ​സി​ന്റെ​ ​നാ​ൾ​വ​ഴി

 2022​ ​ജൂ​ലാ​യ് 3​:​ ​വി​വാ​ദ​ ​പ്ര​സം​ഗം.
 2022​ ​ജൂ​ലാ​യ് 5​:​ ​അ​ഡ്വ.​ ​ബൈ​ജു​ ​നോ​യ​ൽ​ ​പ​ത്ത​നം​തി​ട്ട​ ​എ​സ്.​പി​ക്ക് പ​രാ​തി​ന​ൽ​കു​ന്നു.
 2022​ ​ജൂ​ലാ​യ് 6​:​ ​മ​ന്ത്രി​യു​ടെ​ ​രാ​ജി,
 ​പ​രാ​തി​യി​ൽ​ ​ന​ട​പ​ടി​യു​ണ്ടാ​കാ​ത്ത​തി​ൽ​ ​ബൈ​ജു​ ​നോ​യ​ൽ​ ​അ​ന്നു​ ​ത​ന്നെ​ ​തി​രു​വ​ല്ല​ ​മ​ജി​സ്ട്രേ​റ്റ് ​കോ​ട​തി​യെ​ ​സ​മീ​പി​ക്കു​ന്നു.
 2022​ ​ജൂ​ലാ​യ് 7​:​ ​കോ​ട​തി​ ​ഉ​ത്ത​ര​വ് ​പ്ര​കാ​രം​ ​പൊ​ലീ​സ് ​കേ​സെ​ടു​ത്തു
 2022​ ​ഡി​സം​ബ​ർ​ 5​:​ ​പൊ​ലീ​സി​ന്റെ​ ​ക്ലീ​ൻ​ ​ചി​റ്റ് ​റി​പ്പോ​ർ​ട്ട് മ​ജി​സ്ട്രേ​ട്ട് ​കോ​ട​തി​യി​ൽ.
 2023​ ​ഫെ​ബ്രു​വ​രി​ 3​:​ ​പൊ​ലീ​സ് ​റി​പ്പോ​ർ​ട്ട് ​തൃ​പ്തി​ക​ര​മ​ല്ലെ​ന്നും തു​ട​ര​ന്വേ​ഷ​ണം​ ​വേ​ണ​മെ​ന്നും​ ​ബൈ​ജു​ ​നോ​യ​ലി​ന്റെ​ ​ഹ​ർ​ജി​ ​മ​ജി​സ്ട്രേ​റ്റ് ​കോ​ട​തി​യി​ൽ.
 2023​ ​മേ​യ് 15​:​ ​തു​ട​ര​ന്വേ​ഷ​ണ​ ​ആ​വ​ശ്യം​ ​കോ​ട​തി​ ​ത​ള്ളി
 2024​ ​സെ​പ്തം.​ 23​:​ ​ബൈ​ജു​ ​നോ​യ​ൽ​ ​ഹൈ​ക്കോ​ട​തി​യി​ൽ​ ​ക്രി​മി​ന​ൽ​ ​റി​ട്ട് ​ന​ൽ​കു​ന്നു.
 2024​ ​ന​വം​ബ​ർ​ 21​:​ ​ക്രൈം​ബ്രാ​ഞ്ചി​ന്റെ​ ​തു​ട​ര​ന്വേ​ഷ​ണ​ത്തി​ന് ഉ​ത്ത​ര​വ്.