ഒരു തുള്ളി എണ്ണ വേണ്ട, മൈദയോടും നോ പറയാം; അടിപൊളി ഉണ്ണിയപ്പം തയ്യാറാക്കിയാലോ

മലയാളികളുടെ പ്രിയപ്പെട്ട നാലുമണി പലഹാരമാണ് ഉണ്ണിയപ്പം. മിക്കവാറും അമ്പലങ്ങളിലും ഇത് പ്രസാദമായി നൽകാറുണ്ട്. കുട്ടികൾക്കും മുതിർന്നവർക്കും ഒരുപോലെ ഇഷ്ടമുള്ള ഉണ്ണിയപ്പം തയ്യാറാക്കാനും എളുപ്പമാണ്. എന്നാൽ ഉണ്ണിയപ്പം തയ്യാറാക്കാനായി ധാരാളം എണ്ണ വേണ്ടിവരുന്നതിനാൽ മിക്കവരും ഇത് പതിവാക്കാറില്ല. എന്നാൽ ഒരു തുള്ളി എണ്ണ ആവശ്യമില്ലാതെയും ഉണ്ണിയപ്പം തയ്യാറാക്കാൻ സാധിക്കും.

ആവശ്യമായ ചേരുവകൾ

• റവ - ഒരു കപ്പ്
• ഏത്തപ്പഴം - 4 എണ്ണം
• ഏലക്ക - 4 എണ്ണം
• ശർക്കര - ഒരു കഷ്ണം (ശർക്കര പാനിയുണ്ടാക്കിയത്)
• ബേക്കിംഗ് പൗഡർ- ഒരു ടീ‌സ്‌പൂൺ
• ബേക്കിംഗ് സോഡ- ഒരു നുള്ള്
• ഉപ്പ് - ആവശ്യത്തിന്

തയ്യാറാക്കുന്ന വിധം

• ആദ്യം എല്ലാ ചേരുവകളും മിക്‌സിയിൽ നന്നായി അരച്ചെടുക്കണം.
• ആവശ്യത്തിന് വെള്ളം ചേർത്ത് മാവ് ദോശമാവിന്റെ പരുവത്തിലാക്കണം.
• ഇത് നോൺ - സ്റ്റിക്ക് ഉണ്ണിയപ്പം പാനിലൊഴിച്ച് അടച്ചുവച്ച് പത്തുമിനിട്ട് ആവികേറ്റിയെടുക്കണം.
• ഉണ്ണിയപ്പം ഓരോന്നായി മറിച്ചിട്ട് അഞ്ചുമിനിട്ട് കൂടി ആവി കേറ്റണം
• നല്ല സ്വാദിഷ്ടമായ ഓയിൽ ഫ്രീ ഉണ്ണിയപ്പം റെഡി.