പറക്കുന്ന കാറുകൾ ഇനി വെറും സ്വപ്‌നമല്ല; ടെസ്‌ല റോഡ്‌സ്റ്ററിന്റെ അതിഗംഭീര പ്രകടനം, ദൃശ്യങ്ങൾ പുറത്ത്

സയൻസ് ഫിക്ഷൻ സിനിമകളിൽ മാത്രം കണ്ടുപരിചയമുള്ള പറക്കുന്ന കാറുകൾ യാഥാർത്ഥ്യമാകുമോയെന്നത് പലരുടെയും സംശയമാണ്. ഇപ്പോഴിതാ, ടെസ്‌ലയുടെ പുനർരൂപകൽപന ചെയ്‌ത റോഡ്‌സ്റ്റർ കാറിന്റെ അതിഗംഭീരപ്രകടനം അതിനുള്ള ഉത്തരം നൽകുകയാണ്. വായുവിലേക്ക് ഉയർന്ന് തലകീഴായി കറങ്ങി അഭ്യാസങ്ങൾ നടത്തുന്ന റോഡ്‌സ്റ്റർ കാറിന്റെ വിസ്‌മയകരമായ ദൃശ്യങ്ങളാണ് കമ്പനി പുറത്തുവിട്ടത്.

ഒക്‌ടോബർ 15ന് ടെക്‌സസിലെ മക്‌ഗ്രിഗറിലുള്ള സ്‌പേസെക്‌സ് കേന്ദ്രത്തിൽ നടന്ന പ്രകടനമാണ് വാഹനപ്രേമികൾക്കിടയിൽ ചർച്ചയാകുന്നത്. ഉയരത്തിൽ വളഞ്ഞിരിക്കുന്ന റാംപിലൂടെ അതിവേഗം മുന്നേറുന്ന കാർ റാംപിന്റെ ഒരു ഭാഗത്തെത്തുമ്പോൾ തലകീഴായി സഞ്ചരിക്കുന്നു. പിന്നാലെ വായുവിലേക്ക് ഉയർന്ന് ചെറിയ അഭ്യാസങ്ങൾ നടത്തി സുരക്ഷിതമായി നിലത്തിറങ്ങി കാഴ്‌ചക്കാരെ അമ്പരപ്പിക്കുന്നു. ഈ പ്രകടനത്തിന് പിന്നിൽ ഇലോൺ മസ്‌കിന്റെ റോക്കറ്റ് കമ്പനിയായ സ്‌പേസെക്‌സുമായി സഹകരിച്ച് വികസിപ്പിച്ച സാങ്കേതിക വിദ്യകളാണുള്ളത്.

പ്രകടനത്തിന്റെ വീഡിയോ മസ്‌ക് തന്റെ എക്‌സ് പേജിൽ പങ്കുവച്ചു. 'ഭാവിയിൽ പറക്കും കാറുകളുണ്ടാകുമെന്നത് ശരിയാണെന്ന് തെളിഞ്ഞു' എന്നായിരുന്നു വീഡിയോയ്‌ക്കൊപ്പമുള്ള അടിക്കുറിപ്പ്. ടെസ്‌ലയുടെ ഔദ്യോഗിക അക്കൗണ്ടിലൂടെയും ദൃശ്യങ്ങൾ പങ്കുവച്ചിട്ടുണ്ട്.

റോക്കറ്റ് സാങ്കേതികവിദ്യ കാറിലും