വായനോത്സവം: ജില്ലാതല മത്സരം

ആലപ്പുഴ: ജില്ലാ ലൈബ്രറി കൗൺസിൽ യു.പി.വിഭാഗം വിദ്യാർത്ഥികൾക്കും വനിതകൾക്കുമായി സംഘടിപ്പിക്കുന്ന വായനോത്സവത്തിന്റെ ജില്ലാതല മത്സരം 26 ന് നടക്കും. ഉച്ചയ്ക്ക് രണ്ട് മുതൽ നാല്‌ മണിവരെ ആലപ്പുഴ ഗവ. ഗേൾസ് ഹയർ സെക്കണ്ടറി സ്കൂളിൽ എഴുത്തു പരീക്ഷയായിട്ടാണ് മത്സരം സംഘടിപ്പിക്കുന്നത് . താലൂക്കുതല മത്സരത്തിൽ വിജയിച്ച ആദ്യ അഞ്ച് സ്ഥാനക്കാരാണ് ജില്ലാതലത്തിൽ പങ്കെടുക്കുന്നത്. 30 ചേദ്യങ്ങൾ പൊതുവിജ്ഞാനവും 70 ചേദ്യങ്ങൾ തിരഞ്ഞെടുത്ത പുസ്‌തകങ്ങളെ അടിസ്ഥാനമാക്കിയുമായിരിക്കും. തിരിച്ചറിയൽ കാർഡ് കൊണ്ടുവരണമെന്ന് ജില്ലാ ലൈബ്രറി കൗൺസിൽ പ്രസിഡന്റ് അലിയാർ എം.മാക്കിയിലും സെക്രട്ടറി ടി.തിലകരാജും അറിയിച്ചു.