ദന്ത പരിശോധന ക്യാമ്പും ലഹരിവിരുദ്ധ പ്രതിജ്ഞയും

ആലപ്പുഴ : ലഹരി മുക്ത നവകേരളം ക്യാമ്പയിന്റെ ഭാ​ഗമായി ലജ്നത്തുൽ മുഹമ്മദിയ്യ ഹയർ സെക്കൻഡറി സ്‌കൂളിൽ വിമുക്തി ക്ലബ്ബിന്റെ നേതൃത്വത്തിൽ കുട്ടികളുടെ ദന്ത പരിശോധന ക്യാമ്പും ലഹരിവിരുദ്ധ പ്രതിജ്ഞയും സംഘടിപ്പിച്ചു. വിദ്യാർത്ഥികളിൽ ലഹരി ഉപയോ​ഗം ദന്താരോ​ഗ്യത്തെ പ്രതികൂലമായി ബാധിക്കുന്നതിനെക്കുറിച്ച് ഡോ.സന്ദീപ് ലാൽ സംസാരിച്ചു. പ്രിൻസിപ്പൽ അഷറഫ് കുഞ്ഞാശാൻ ലഹരിയുടെ ദൂഷ്യവശങ്ങളെക്കുറിച്ച് ബോധവത്കരണം നടത്തി. ഹെഡ്മിസ്ട്രസ് സീന.ഇ, സ്‌കൂൾ വിമുക്തി ക്ലബ്ബ് കോർഡിനേറ്റർമാരായ ഹന്നത്ത്.എ, കൗലത്ത്.എസ്, അനസ്, രാജേഷ് മുഹമ്മദ്, ശ്രീകുമാർ എന്നിവർ പങ്കെടുത്തു.