എ.കെ.ശശീന്ദ്രൻ രാജിവയ്ക്കണം

ആലപ്പുഴ : വന്യജീവി ആകമണങ്ങളിൽ നിന്ന് ജനങ്ങളെ രക്ഷിക്കാൻ കഴിയാത്ത എ.കെ.ശശീന്ദ്രൻ മന്ത്രിസ്ഥാനം രാജി വയ്ക്കണമെന്നാവശ്യപ്പെട്ട് കായംകുളം നിയോജക മണ്ഡലം കർഷക കോൺഗ്രസ് കമ്മിറ്റിയുടെ നേതൃത്വത്തിൽ ചെട്ടികുളങ്ങര ടൗണിൽ പന്തം കൊളുത്തി പ്രകടനവും പ്രതിഷേധ സംഗമവും നടത്തി. കർഷക കോൺഗ്രസ് സംസ്ഥാന ജനറൽ സെക്രട്ടറി റോയ് തങ്കച്ചൻ ഉദ്ഘാടനം ചെയ്തു. വയലിൽ സന്തോഷ്‌ അദ്ധ്യക്ഷത വഹിച്ചു. അലക്സ്‌ മാത്യു മുഖ്യപ്രഭാഷണം നടത്തി. ജോൺ കെ.മാത്യു, ബെന്നി, സുരേഷ് കാട്ടുവള്ളിൽ, കബീർ, കോശി കെ.ഡാനിയേൽ, ഭരണിക്കാവ് രാജേഷ് തുടങ്ങിയവർ സംസാരിച്ചു.