25ന് തണ്ണീർമുക്കത്ത് മോക്ഡ്രിൽ

ആലപ്പുഴ: പ്രളയസാഹചര്യങ്ങളിലെ മുൻകരുതലുകൾ, രക്ഷാപ്രവർത്തനം എന്നിവയെക്കുറിച്ച് അവബോധം നൽകാനും രക്ഷാദൗത്യ സംവിധാനങ്ങളുടെ കാര്യക്ഷമത ഉറപ്പാക്കാനുമായി 25ന് തണ്ണീർമുക്കം ഗ്രാമപഞ്ചായത്തിൽ മോക്ഡ്രിൽ നടത്തും. സംസ്ഥാന-ജില്ലാ ദുരന്ത നിവാരണ അതോറിറ്റികളുടെയും കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷന്റെയും (കില) ആഭിമുഖ്യത്തിൽ മണ്ണഞ്ചേരി, മുഹമ്മ, ആര്യാട്, ചേർത്തല നഗരസഭ, വയലാർ, കടക്കരപ്പള്ളി, ചേർത്തല തെക്ക്, മാരാരിക്കുളം വടക്ക്, മാരാരിക്കുളം തെക്ക് പഞ്ചായത്തുകളെയും ജനങ്ങളെയും വിവിധ വകുപ്പുകളെയും ഉൾപ്പെടുത്തിയാണ് മോക്ഡ്രിൽ.