ജില്ലാആരോഗ്യ കലോത്സവം

ആലപ്പുഴ:ആരോഗ്യവകുപ്പിന്റെ നേതൃത്വത്തിൽ ജില്ലാതല ആരോഗ്യ കലോത്സവം സംഘടിപ്പിച്ചു. കളർകോട് ഗവ. എൽപി സ്കൂളിൽ നടന്ന പരിപാടി നഗരസഭാധ്യക്ഷ മോളി ജേക്കബ് ഉദ്ഘാടനം ചെയ്തു.'അക്ഷരം ആരോഗ്യം' പദ്ധതിയുടെ ജില്ലാതല ഉദ്ഘാടനവും ഇതോടൊപ്പം നടന്നു.

282 പേരാണ്‌ ജില്ലാതല മത്സരത്തിൽ പങ്കെടുത്തത്. നഗരസഭ ആരോഗ്യ സ്ഥിരംസമിതി അധ്യക്ഷൻ എ.എം നൗഫൽ അധ്യക്ഷനായി. സമ്മാനദാനം ഗാനരചയിതാവ് വയലാർ ശരത്ചന്ദ്ര വർമ്മ നിർവഹിച്ചു. ഡോ.പാർവതി പ്രസാദ്, ആർ.വിവേക് കുമാർ, കോശി സി. പണിക്കർ, എസ്.ആർ ദിലീപ്കുമാർ, ഡോ.ആർ. സേതുനാഥ്, പി.പി ശാലിനി തുടങ്ങിയവർ പങ്കെടുത്തു.