ആയുർവേദ ദിനാചരണം

മുഹമ്മ : കഞ്ഞിക്കുഴി പഞ്ചായത്ത് സർക്കാർ ആയുർവേദ ഡിസ്‌പെൻസറിയിൽ ദേശീയ ആയുർവേദദിനാചരണം ഉദ്ഘാടനം പഞ്ചായത്ത് പ്രസിഡന്റ്‌ അഡ്വ.എം.സന്തോഷ്‌ കുമാറിന്റെ അദ്ധ്യക്ഷതയിൽ ജില്ലാപഞ്ചായത്ത് ആരോഗ്യ വിദ്യാഭ്യാസ സ്ഥിരംസമിതി അദ്ധ്യക്ഷൻ എസ്. രാധാകൃഷ്ണൻ ഉദ്ഘാടനം ചെയ്തു. മെഡിക്കൽ ഓഫീസർ ഡോ.ചിത്ര സ്വാഗതം പറഞ്ഞു. ഗ്രാമപഞ്ചായത്ത് ആരോഗ്യവിദ്യാഭ്യാസ സ്ഥിരം സമിതി അധ്യക്ഷൻ ജി.മുരളീധരൻ, ഗ്രാമപഞ്ചായത്ത് അംഗം പി.ടി.ശശിധരൻ, മുൻ ജില്ലാപഞ്ചായത്ത് അംഗം ജമീല പുരുഷോത്തമൻ, മുൻ ഗ്രാമപഞ്ചായത്ത് അംഗം പവിത്രൻ തുടങ്ങിയവർ സംസാരിച്ചു.അജിലാഷ് യു.ബി നന്ദി പറഞ്ഞു. മെഡിക്കൽ ഓഫീസർ ഡോ.ചിത്ര ആയുർവേദ ബോധവൽക്കരണ ക്ലാസ് നടത്തി.