ജില്ലാ മൗണ്ടൻ സൈക്ലിംഗ് ചാമ്പ്യൻഷിപ്പ് സമാപിച്ചു

തൊടുപുഴ: ജില്ല സ്‌പോർട്സ് കൗൺസിലിന്റെയും ദേശീയ കായികവേദി ഇടുക്കിയുടെയും സഹകരണത്തോടെ തൊടുപുഴ മലങ്കര എസ്റ്റേറ്റ് റോഡിൽ ജില്ലാ സൈക്ലിംഗ് അസോസിയേഷൻ സംഘടിപ്പിച്ച മൗണ്ടൻ സൈക്ലിംഗ് ചാമ്പ്യൻഷിപ്പും അന്താരാഷ്ട്ര കായികദിനാചരണവും സമാപിച്ചു. തൊടുപുഴ ബ്ലോക്ക് പഞ്ചായത്ത് പ്രസിഡന്റ് മുഹമ്മദ് അൻഷാദ് ചാമ്പ്യൻഷിപ്പ് ഫ്ളാഗ് ഓഫ് ചെയ്തു. കരിങ്കുന്നം ഗ്രാമപഞ്ചായത്ത് പ്രസിഡന്റ് ഷൈനി ജോമോൻ അദ്ധ്യക്ഷത വഹിച്ചു. സ്‌പോർട്സ് കൗൺസിൽ സെക്രട്ടറി ഇൻചാർജ് ദീപ്തി മരിയ ജോസ് കായികദിനാചരണ പ്രതിജ്ഞയ്ക്ക് നേതൃത്വം നല്കി. ജില്ലാ സൈക്ലിംഗ് അസോസിയേഷൻ പ്രസിഡന്റ് അഡ്വ. ജോർലി കുര്യൻ, ദേശീയ കായികവേദി ജില്ലാ പ്രസിഡന്റ് എൻ. രവീന്ദ്രൻ, സ്‌പോർട്സ് കൗൺസിൽ അംഗം പി.കെ. രാജേന്ദ്രൻ തുടങ്ങിയവർ ആശംസകൾ നേർന്നു. ഡോ. അരുൺരാജേന്ദ്രൻ (ആയൂർവേദം)ന്റെ നേതൃത്വത്തിലുള്ള മെഡിക്കൽ ടീമിന്റെ സേവനവും മത്സരത്തിൽ ലഭിച്ചിരുന്നു. ജില്ലാ സെക്രട്ടറി എ.പി. മുഹമ്മദ് ബഷീർ സ്വാഗതവും കെ.എം. അസീസ് നന്ദിയും പറഞ്ഞു.