വ്യാപാര ശാലകളി​ൽ പരിശോധന

കൊല്ലം: ഓണവിപണിയിലെ ക്രമക്കേടുകൾ കണ്ടെത്താൻ രൂപീകരിച്ച സ്‌ക്വാഡുകൾ ജില്ലയിലെ കച്ചവടസ്ഥാപനങ്ങളിൽ പരിശോധന നടത്തി. വിലവിവര പട്ടിക പ്രദർശിപ്പിക്കൽ, ഉപഭോക്താക്കൾക്ക് യഥാസമയം ബില്ലുകൾ കൈമാറൽ എന്നിവയിലെ വീഴ്ച, പൂഴ്ത്തിവയ്പ്പ്, കരിഞ്ചന്ത, അമിത വില ഈടാക്കൽ തുടങ്ങി​യവ കണ്ടെത്താൻ സിവിൽ സപ്ലൈസ് വകുപ്പിലെ ഉദ്യോഗസ്ഥരാണ് രംഗത്തെത്തി​യത്.

ഹോട്ടലുകളിലെയും പഴം, പച്ചക്കറി വ്യാപാര സ്ഥാപനങ്ങളിലെയും ശുചിത്വം സംബന്ധിച്ച് ഭക്ഷ്യ സുരക്ഷാ വകുപ്പ് മുഖേനയും സംയുക്ത സ്‌ക്വാഡുകൾ സ്ഥാപനങ്ങൾ വി​ലയി​രുത്തി​. വിലവിവരപ്പട്ടിക പ്രദർശിപ്പിക്കാത്തതതി​ന് 16 കേസെടുത്തു. ഭക്ഷ്യ സുരക്ഷാ വകുപ്പ് ആറ് കേസുകൾ രജി​സ്റ്റർ ചെയ്തു. ത്രാസുകൾ ശരി​യായി​ പതിച്ച് സൂക്ഷിക്കാത്തതും തൂക്കത്തിൽ കുറവുമുൾപ്പെടെ ലീഗൽ മെട്രോളജി വകുപ്പ് 12 ക്രമക്കേടുകൾ കണ്ടെത്തി. കുലശേഖരപുരം ഗ്രാമ പഞ്ചായത്ത് പരിധിയിലെ രണ്ടിടങ്ങളിൽ മതിയായ രേഖകളില്ലാതെ സൂക്ഷിച്ചിരുന്ന 6430 കി.ഗ്രാം ഭക്ഷ്യധാന്യങ്ങളും ഹോട്ടലിൽ നിന്ന് ഗാർഹിക പാചക വാതക സിലിണ്ടറുകളും പിടിച്ചെടുത്തു.