ജി​ല്ലയെ വി​ട്ടാെഴി​യാതെ ഡെങ്കി​യും എലി​പ്പനി​യും

കൊല്ലം: ഇടവിട്ടുള്ള മഴയും ഒപ്പമുള്ള വെള്ളക്കെട്ടും നി​മി​ത്തം ജി​ല്ലയെ വിട്ടാെഴി​യാതെ ഡെങ്കിയും എലി​പ്പനി​​യും. കഴിഞ്ഞവർഷം റിപ്പോർട്ട് ചെയ്തതി​നേക്കാൾ ഏറെ കേസുകളാണ് ഈ വർഷമുണ്ടായത്.

കഴിഞ്ഞവർഷം സെപ്തംബർ 18 വരെ 91 ഡെങ്കികേസുകളും ഒരു എലിപ്പനിയുമാണ് റിപ്പോർട്ട് ചെയ്തതെങ്കിൽ ഇത്തവരെ ഇതേ കാലയളവിൽ 146 ഡെങ്കി കേസുകളും 12 എലിപ്പനിയും സ്ഥിരീകരിച്ചു. ഡെങ്കിപ്പനിയിൽ 55 ഉം എലിപ്പനിയിൽ 11 ഉം എണ്ണത്തി​ന്റെ വർദ്ധനയാണ് ഉണ്ടായത്. ഈ സ്ഥിതി തുടർന്നാൽ വർഷം അവസാനി​ക്കുമ്പോഴേക്കും വലി​യതോതി​ലേക്ക് രോഗാവസ്ഥ മാറാൻ സാദ്ധ്യതയുണ്ട്.

മേയ്, ജൂൺ, ജൂലായ് മാസങ്ങളിലാണ് ഡെങ്കിയും എലിപ്പനിയും മറ്രും വ്യാപിക്കുന്നത്. എന്നാൽ ഈ വർഷം ജനുവരി മുതൽ തന്നെ വ്യാപനമുണ്ടായെന്നാണ് ആരോഗ്യവകുപ്പിന്റെ കണക്കുകൾ വ്യക്തമാക്കുന്നത്. വേനൽകാലത്ത് ചൂടുകുറയ്ക്കാൻ പലരും ടാർപോളി​ൻ വലിച്ചു കെട്ടി വെള്ളം നിറച്ചുവച്ചതും രോഗം കൂടാൻ കാരണമായി.

അവഗണിക്കരുത്

ഡെങ്കി ലക്ഷണങ്ങൾ

 കടുത്ത പനി  തലവേദന  പേശിവേദന  വിശപ്പില്ലായ്മ  മനംപുരട്ടൽ  ഛർദ്ദി  ക്ഷീണം  തൊണ്ടവേദന  ചെറിയ ചുമ  കണ്ണിന് പുന്നിൽ വേദന

രോഗം മൂർച്ഛിച്ചാൽ

തുടർച്ചയായ ഛർദ്ദി, വയറുവേദന, കറുത്ത മലം, ശ്വാസംമുട്ടൽ, ശരീരം ചുവന്നുതടിക്കുക, കഠിനമായ ക്ഷീണം,​ ശ്വാസതടസം,​ താഴ്ന്ന രക്തസമ്മർദ്ദം. രക്തത്തിലെ പ്ലേറ്റ്ലെറ്റുകളുടെ അളവ് കുറയൽ

എലിപ്പനി

 പനി  പേശിവേദന  തലവേദന  വയറുവേദന  ഛർദ്ദി  കണ്ണ് ചുവപ്പ്

രോഗം മൂർച്ഛിച്ചാൽ

 കരൾ, വൃക്ക, തലച്ചോർ, ശ്വാസകോശം എന്നിവയെ ബാധിക്കും

പ്രതിരോധം പ്രധാനം

 കൊതുകുകളെ ഉറവിടത്തിൽ തന്നെ നശിപ്പിക്കണം

 എല്ലാ ഞായറാഴ്ചകളിലും വീടുകളിൽ ഡ്രൈഡേ ആചരിക്കണം, കിണർ ക്ലോറിനേറ്റ് ചെയ്യണം

 പാത്രങ്ങൾ, ചിരട്ട, ടയർ, മുട്ടത്തോട്, പൂച്ചട്ടികൾ, ഫ്രിഡ്ജിന് പിന്നിൽ കെട്ടിക്കിടക്കുന്ന വെള്ളം എന്നിവ വൃത്തിയാക്കണം

 ഉറങ്ങുമ്പോൾ കൊതുകുവല ഉപയോഗിക്കണം

 മലിനജല സമ്പർക്കത്തിലൂടെയാണ് എലിപ്പനിയുടെ വ്യാപനം

 ജലത്തിലിറങ്ങുന്നവർ മുൻകരുതൽ സ്വീകരിക്കണം

 മുറിവിലൂടെയും മറ്രും അണുക്കൾ പ്രവേശിക്കും

 എലിപ്പനിക്ക് ഡോക്‌സിസൈക്ലീൻ ഗുളിക നിർദ്ദേശാനുസരണം കഴിക്കണം