കാൽനടയാത്രയ്ക്ക് സൗകര്യമൊരുക്കും

കൊല്ലം: കരിക്കോട് കിളികൊല്ലൂർ റയിൽവേ സ്റ്റേഷൻ റയിൽവേ ലൈൻ ക്രോസ് ചെയ്ത് കാൽനടയായി പോകാൻ സൗകര്യമൊരുക്കുമെന്ന് റയിൽവേ അധികൃതർ അറിയിച്ചതായി എൻ.കെ. പ്രേമചന്ദ്രൻ എം.പി പറഞ്ഞു. ദശാബ്ദങ്ങളായി പ്രദേശവാസികൾ കാൽനടയായും സൈക്കിളിലും യാത്ര ചെയ്തിരുന്ന സൗകര്യമാണ് സുരക്ഷ സംവിധാനങ്ങളുടെ പേരിൽ ഇരുവശവും അടച്ചതിലൂടെ നഷ്ടപ്പെട്ടത്. പ്രദേശവാസികളുടെ ബുദ്ധിമുട്ട് കണക്കിലെടുത്ത് എം.പി സ്ഥലം സന്ദർശിക്കുകയും ഉന്നത ഉദ്യോഗസ്ഥരുമായി ചർച്ച നടത്തുകയും ചെയ്തു. മേൽപ്പാലം നിർമ്മിക്കുന്നതു വരെ നിലവിലുണ്ടായിരുന്ന യാത്രാ സൗകര്യം പുന:സ്ഥാപിക്കണമെന്നും എംപി ആവശ്യപ്പെട്ടു.

ബിന്ദു കൃഷ്ണ, കൗൺസിലർ സുജ കൃഷ്ണൻ, എ.കെ.എ. ലത്തീഫ്, അജിത്കുമാർ, ജെ.നൗഫൽ, സി. ബാബു, ജയപ്രകാശ്, പ്രസാദ്, എ.വി. ശ്രീകുമാർ, ഉറാഷ് കുമാർ, സുന്ദരേശൻ പിള്ള എന്നിവരും എം.പിക്കൊപ്പം ഉണ്ടായിരുന്നു.