ഒൻപതുകാരനെ പീഡിപ്പിക്കാൻ ശ്രമിച്ച യുവാവ് അറസ്റ്റിൽ

അഞ്ചൽ: ഒൻപത് വയസുകാരനെ ജന്നാലയിൽ കെട്ടിയിട്ട് പീഡിപ്പിക്കാൻ ശ്രമിച്ച യുവാവിനെ അഞ്ചൽ പൊലീസ് അറസ്റ്റ് ചെയ്തു. തേവർതോട്ടം കണിക്കോണത്ത് മണിക്കുട്ടനെയാണ് (35) അഞ്ചൽ സി.ഐ ഹരീഷിന്റെ നേതൃത്വത്തിലുള്ള പൊലീസ് അറസ്റ്റ് ചെയ്തത്. കഴിഞ്ഞ 20നാണ് സംഭവം. പൊലീസ് പറയുന്നത്: അയൽ വാസിയും ഒറ്റയ്ക്ക് താമസിച്ച് വരികയുമായിരുന്ന മണിക്കുട്ടന്റെ വീട്ടിലേക്ക് മെഴുകുതിരി വാങ്ങാനാണ് കുട്ടി എത്തിയത്. തുടർന്ന് ബലമായി കീഴ്പ്പെടുത്തി പീഡിപ്പിക്കാൻ ശ്രമിച്ചു. കുതറിമാറിയ കുട്ടിയെ ജന്നാലയിൽ മുണ്ടുകൊണ്ട് കെട്ടിയിടാനും ശ്രമിച്ചു. ഈ സമയം മണിക്കുട്ടന്റെ കൈയിൽ കടിച്ച ശേഷം കുട്ടി ഓടി രക്ഷപ്പെട്ടു. വീട്ടിലെത്തിയ കുട്ടി മതാപിതാക്കളെ വിവരം അറിയിച്ചു. രക്ഷിതാക്കൾ അഞ്ചൽ പൊലീസിൽ പരാതി നൽകി. ഇയാൾ മദ്യത്തിനും മയക്കുമരുന്നിനും അടിമയാണെന്നാണ് പൊലീസിന് ലഭിച്ച വിവരം. റിമാൻഡ് ചെയ്തു.