സ്റ്റേറ്റ് സെൻട്രൽ ലൈബ്രറി സന്ദർശനം

കുരുനാഗപ്പള്ളി: അഴീക്കൽ ഗവ.ഹെസ്കൂളിലെ വിദ്യാർത്ഥികളും ഇന്ത്യയിലെ ഏറ്റവും പഴയതും വലിപ്പത്തിൽ രാജ്യത്ത് രണ്ടാമത്തേതുമായ തിരുവനന്തപുരം സ്റ്റേറ്റ് സെൻട്രൽ ലൈബ്രറി സന്ദർശിച്ചു. കുട്ടികളുടെ പഠനത്തിന്റെ ഭാഗമായാണ് യാത്ര സംഘടിപ്പിച്ചത്. കുട്ടികൾക്കൊപ്പം അദ്ധ്യാപകരും ഉണ്ടായിരുന്നു. അഞ്ച് ലക്ഷത്തിന് മുകളിൽ പുസ്തകങ്ങളും 45 ലൈബ്രേറിയൻമാരുമുള്ള ഈ ലൈബ്രറി കുട്ടികളെ അത്ഭുതപ്പെടുത്തി. ഗിന്നസ് ബുക്കും ലിംക ബുക്കും തുണിയിൽ അച്ചടിച്ച പുസ്തകങ്ങളും പാവയുള്ള പുസ്തകങ്ങളും കുട്ടികൾക്കായുള്ള രണ്ട് നില മന്ദിരത്തിലെ വൈവിദ്ധ്യമാർന്ന പുസ്തകങ്ങളും വിദ്യാർത്ഥികളെ ഏറെ ആകർഷിച്ചു. രാവിലെ 8 മുതൽ രാത്രി 8 വരെ പ്രവർത്തിയ്ക്കുന്ന ലൈബ്രറി കേരളത്തിലുള്ളവർക്കെല്ലാവർക്കും അംഗത്വം നല്കുന്നതാണ്. അദ്ധ്യാപകരായ മുഹമ്മദ് സലിം ഖാൻ, സുജരാജ് ,അർച്ചന , കലമോൾ , വിനീഷ്യ , പി.ടി.എ അംഗം മോഹൻദാസ് , മദർ പി.ടി.എ പ്രസിഡന്റ് പ്രിയ തുടങ്ങിയവരുടെ നേതൃത്വത്തിൽ നൂറോളം കുട്ടികൾ പഠനയാത്രയിൽ പങ്കെടുത്തു.