ഓന്ത്‌പച്ച ജംഗ്ഷന് സമീപം ഓട നിറഞ്ഞ് മാലിന്യം

ചോഴിയക്കോട് : ഓന്ത്‌പച്ച ജംഗ്ഷന് സമീപം മലയോര ഹൈവേ നിർമ്മാണവുമായി ബന്ധപ്പെട്ട് നിർമ്മിച്ച ഓട പൂർണമായും മാലിന്യം കൊണ്ട് അടഞ്ഞു പ്രദേശത്താകെ രൂക്ഷമായ ദുർഗന്ധം വമിക്കുന്നു. കഴിഞ്ഞ 2 മാസമായി ഇതേ നില തുടരുകയാണ്. ഹോട്ടൽ അടക്കം നിരവധി വ്യാപാര സ്ഥാപനങ്ങൾ ഇവിടെ പ്രവർത്തിക്കുന്നു. കൂടാതെ നിരവധി വീടുകളും ഈ ഭാഗത്തുണ്ട്. വീടുകളിൽ ഇരുന്ന് ഭക്ഷണം പോലും കഴിക്കാൻ കഴിയാത്ത അവസ്ഥയാണ്. വാഹന യാത്ര ചെയ്യുന്നവർക്കും ഈ ഭാഗം എത്തുമ്പോ മൂക്ക് പൊത്താതെ കടന്നു പോകാൻ കഴിയുന്നില്ല. കൂടാതെ ഓടയിൽ മലിന ജലം കെട്ടിക്കിടക്കുന്നതിനാൽ കൊതുക് ശല്യവുമുണ്ട്. ഓട പൂർണമായും അടഞ്ഞു കിടക്കുന്നത് കൊണ്ട് വെള്ളം ഒഴുകി പോകുന്നില്ല. അത് കെട്ടിക്കിടന്നാണ് ദുർഗന്ധമാകുന്നതെന്ന് നാട്ടുകാർ ആരോപിക്കുന്നു.