ത​ടാ​ക തീ​ര​ത്ത് തീ​പി​ടിത്തം; രണ്ടേക്കർ കത്തിനശിച്ചു

ശാ​സ്​താം​കോ​ട്ട: ശാസ്താംകോട്ട ത​ടാ​ക തീ​ര​ത്ത് തീ​പി​ടിത്തം. ഇന്നലെ ഉച്ചയ്ക്ക് രണ്ടോടെയാണ് രാ​ജ​ഗി​രി​യിൽ സെന്റ് തോ​മ​സ് ദേ​വാ​ല​യ​ത്തി​ന് പിന്നിൽ തീ​പി​ടിത്തം ഉണ്ടായത്. കാരണം വ്യക്തമല്ല. തടാക തീരത്തെ ഉണക്കപ്പുല്ലിൽ നിന്ന് തീപിടിച്ച് ഏകദേശം രണ്ടേക്കർ സ്ഥലത്തേക്ക് തീ വ്യാപിച്ചു. പുക ഉയരുന്നത് കണ്ട് സമീപവാസികളാണ് ഫയർഫോഴ്സിനെ വിവരം അറിയിച്ചത്. ഉടൻ തന്നെ ശാസ്താംകോട്ടയിൽ നിന്ന് രണ്ട് യൂണിറ്റും ചവറയിൽ നിന്ന് ഒരുയൂണിറ്റും എത്തി രക്ഷാപ്രവ‌ർത്തനം ആരംഭിച്ചു. ഫയർഫോഴ്സിന്റെ സമയോചിതമായ ഇടപെടൽ ജനവാസമേഖലയിലേക്ക് തീ പടരുന്നത് തടയാൻ സഹായിച്ചു. താടകതീരത്തുണ്ടായിരുന്ന മരങ്ങൾ കത്തിയെന്നതൊഴിച്ചാൽ മറ്റ് നാശനഷ്ടങ്ങളില്ല. വാ​ഹ​ന​ങ്ങൾ ക​ട​ന്ന് ചെ​ല്ലാൻ പ​റ്റാ​ത്ത ഭാ​ഗ​ത്ത് ഏ​റെ ബു​ദ്ധി​മു​ട്ടി​യാ​ണ് തീ കെ​ടു​ത്തി​യ​ത്. മണിക്കൂറോളം സമയമെടുത്താണ് തീ പൂർണമായും അണച്ചത്. ഏറെ നേരം പ്രദേശത്ത് ചൂട് അനുഭവപ്പെട്ടു. വേനൽ സമയത്ത് തടാകതീരത്ത് തീപിടിത്തം പതിവാണെന്ന് പ്രദേശവാസികൾ പറയുന്നു.