മനസിൽ ഓർമ്മകളുടെ തിരയിളക്കം;  അതിഥികളായി അവരെത്തി 

കൊ​ല്ലം: ചെ​മ്പ​താ​കകൾ പാ​റു​ന്ന വ​ഴി​ക​ളി​ലൂ​ടെ ഒ​രാ​യുസു​മു​ഴു​വൻ പാർ​ട്ടി​യു​ടെ ച​രി​ത്ര​ത്തി​നൊ​പ്പം ന​ട​ന്ന നേ​താ​ക്കൾ അ​തി​ഥി​ക​ളാ​യെ​ത്തി. പ്ര​തി​നി​ധി സ​മ്മേ​ള​ന ഹാ​ളിൽ നി​ന്ന് പ​താ​ക ഉ​യർ​ത്ത​ലി​നാ​യി നേ​താ​ക്ക​ൾ പു​റ​ത്തേ​ക്ക് പോ​യ​പ്പോൾ പ്രാ​യാ​ധി​ക്യം ത​ളർ​ത്തി​യ ശ​രീ​ര​വു​മാ​യി ആ​ളൊ​ഴി​ഞ്ഞ ഹാ​ളിൽ അ​വറി​രു​ന്നു.

അ​ന്ത​രീ​ക്ഷ​ത്തിൽ ഇൻ​ക്വി​ലാ​ബ് മു​ഴ​ങ്ങി​യ​പ്പോൾ അ​വ​രുടെ മ​ന​സും അ​തേ​റ്റുവി​ളിച്ചിട്ടുണ്ടാകും. 24​-ാം പാർ​ട്ടി കോൺ​ഗ്ര​സി​ന്റെ ഭാ​ഗ​മാ​യി പ്ര​തി​നി​ധി സ​മ്മേ​ള​ന​ത്തിൽ പ​ങ്കെ​ടു​ക്കാൻ മു​തിർ​ന്ന നേ​താ​ക്ക​ളിൽ പ​ല​രും ക​ഴി​ഞ്ഞ ദി​വ​സം മു​തൽ എ​ത്തി​യി​രുന്നു. സ്വാ​ഗ​ത പ്ര​സം​ഗ​ത്തിൽ മ​ന്ത്രി കെ.എൻ.ബാ​ല​ഗോ​പാൽ പേ​രെ​ടു​ത്ത് പ​റ​ഞ്ഞ​പ്പോൾ സ​ദസി​ലി​രു​ന്ന് അ​വർ മു​ഷ്ടി​ചു​രു​ട്ടി അ​ഭി​വാ​ദ്യം​ ചെ​യ്​തു.1995ൽ അ​വ​സാ​ന​മാ​യി കൊ​ല്ല​ത്ത് സി.പി.എം സം​സ്ഥാ​ന സ​മ്മേ​ള​നം ന​ട​ന്ന​പ്പോൾ സം​ഘാ​ട​ക സ​മി​തി കൺ​വീ​ന​റാ​യി​രു​ന്ന പി.കെ.ഗു​രു​ദാ​സൻ, മുൻ​മ​ന്ത്രി പാ​ലൊ​ളി മു​ഹ​മ്മ​ദ് കു​ട്ടി, മുൻ എൽ.ഡി.എ​ഫ് കൺ​വീ​നർ, വൈ​ക്കം വി​ശ്വൻ, സി.എൻ.ര​വീ​ന്ദ്ര​നാ​ഥ്, എൻ.പ​ത്മാ​ലോ​ച​നൻ, കേ​ന്ദ്ര​ക​മ്മ​റ്റി അം​ഗ​മാ​യി​രു​ന്ന പി.ക​രു​ണാ​ക​രൻ തു​ട​ങ്ങി​യ നേ​താ​ക്കളാണ് എ​ത്തി​ച്ചേർ​ന്നത്. പാർ​ട്ടി ബ്രാ​ഞ്ച് മു​തൽ കേ​ന്ദ്ര ക​മ്മി​റ്റി വ​രെ എ​ത്തി​യ നേ​താ​ക്കൾ. എം.എൽ.എ​യും മ​ന്ത്രി​യു​മൊ​ക്കെ​യാ​യി പ്ര​വർ​ത്തി​ച്ച​വർ. ഇ​തിൽ പി.കെ.ഗു​രു​ദാ​സ​ന്റെ പേ​രി​ലാ​ണ് കൊ​ല്ല​ത്ത് ഏ​റ്റ​വും കൂ​ടു​തൽ കാ​ലം ജി​ല്ലാ സെ​ക്ര​ട്ട​റി സ്ഥാ​നം വ​ഹി​ച്ചു​വെ​ന്ന റെ​ക്കാ​ഡ് പോ​ലും. ശാ​രീ​രി​ക അവശതകളുണ്ടെങ്കിലും പാർ​ട്ടി ആ​വേ​ശത്തിൽ അതെല്ലാം മറന്നു. ഇ​ത്ത​വ​ണ പ്ര​തി​നി​ധി സ​മ്മേ​ള​നം നി​യ​ന്ത്രി​ക്കു​ന്ന​തി​നും പ​താ​ക ഉ​യർ​ത്താ​നും പാർ​ട്ടി നി​യോ​ഗി​ച്ച​ത് സം​സ്ഥാ​ന സെ​ക്ര​ട്ടേ​റി​യ​റ്റി​ലെ മു​തിർ​ന്ന അം​ഗം എ.കെ.ബാ​ല​നെ​യാ​യി​ര​ന്നു. പ്രാ​യ​പ​രി​ധി​യു​ടെ മാ​ന​ദ​ണ്ഡ​ത്തിൽ നേ​തൃ​സ​മി​തി​ക​ളിൽ നി​ന്ന് ഒ​ഴി​യു​ന്ന മു​തിർ​ന്ന നേ​താ​വി​ന് ഇ​ത് പാർ​ട്ടി നൽ​കി​യ ആ​ദ​ര​വ് കൂ​ടി​യാ​യി​രു​ന്നു.