ഉഗ്രൻകുന്ന് എൽ.പി സ്കൂളിൽ പഠനോത്സവവും സപ്ലിമെന്റ് പ്രകാശനവും

ഓയൂർ : ഉഗ്രൻകുന്ന് ഗവ.എൽ.പി സ്കൂളിന്റെ ഒരു വർഷത്തെ അക്കാഡമിക പ്രവർത്തനങ്ങൾ ഉൾപ്പെടുത്തിയ 'ദർപ്പണം' വാർഷിക സപ്ലിമെന്റ് വെളിനല്ലൂർ ഗ്രാമപഞ്ചായത്ത് പ്രസിഡന്റ് എം. അൻസർ പ്രകാശനം ചെയ്തു. " പൈതൃകം" എന്ന പേരിൽ പഴയകാല കാർഷിക ഉപകരണങ്ങളുടെ പ്രദർശനത്തിന്റെ ഉദ്ഘാടനം ഉഗ്രംകുന്ന് വാർഡ് മെമ്പർ ടി.കെ. ജ്യോതി ദാസ് നിർവഹിച്ചു. പി.ടി.എ പ്രസിഡന്റ്‌ പി.ആർ.രാജേഷ് അദ്ധ്യക്ഷനായി. എച്ച്.എം ജിജി വർഗീസ് സ്വാഗതം പറഞ്ഞു. സീനിയർ അസിസ്റ്റന്റ് ആതിര, നീതു എന്നിവർ സംസാരിച്ചു. സ്റ്റാഫ് സെക്രട്ടറി സാം തോമസ് നന്ദി പറഞ്ഞു. തുടർന്ന് പഠനോത്സവവുമായി ബന്ധപ്പെട്ട് കുട്ടികൾ വിവിധ കലാ പരിപാടികൾ അവതരിപ്പിച്ചു.