മത്സ്യത്തൊഴിലാളികളുടെ മക്കൾക്ക്‌ ലാപ്ടോപ് വിതരണം

കൊല്ലം: കോർപ്പറേഷന്റെ വാർഷിക പദ്ധതിയിൽ ഉൾപ്പെടുത്തി മത്സ്യത്തൊഴിലാളികളുടെ മക്കൾക്ക്‌ ലാപ്ടോപ്, മത്സ്യത്തൊഴിലാളികൾക്ക് വാട്ടർ ടാങ്ക് എന്നിവയുടെ വിതരണം മേയർ ഹണി ബെഞ്ചമി​ൻ നിർവഹിച്ചു. ഡെപ്യൂട്ടി മേയർ എസ്. ജയൻ അദ്ധ്യക്ഷത വഹിച്ചു. വിവിധ സ്റ്റാൻഡിംഗ് കമ്മിറ്റി ചെയർപേഴ്സൺമാരായ യു. പവിത്ര, സജീവ് സോമൻ, സുജാ കൃഷ്ണൻ, കൗൺസിലർമാരായ ജോർജ് ഡി.കാട്ടിൽ, എൻ. ടോമി, ജെ. സ്റ്റാൻലി തുടങ്ങി​യവർ പങ്കെടുത്തു. ഫിഷറീസ് ഡെപ്യൂട്ടി ഡയറക്ടർ എസ്.ആർ. രമേശ്‌ ശശിധരൻ റിപ്പോർട്ട്‌ അവതരിപ്പിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എസ്. ഗീതാകുമാരി സ്വാഗതവും അസി. ഫിഷറീസ് എക്സ്റ്റൻഷൻ ഓഫീസർ മൈന സോമരാജ് നന്ദിയും പറഞ്ഞു.
കൊല്ലം കോർപ്പറേഷന്റെ 2024-25 വാർഷിക പദ്ധതിയിൽ ഉൾപ്പെടുത്തി 50 ഗുണഭോക്താക്കൾക്ക് 75 ശതമാനം സബ്സിഡി നിരക്കിൽ 3748 രൂപ വരുന്ന ടാങ്കുകളാണ് വിതരണം ചെയ്തത്. വിദ്യാർത്ഥികൾക്ക് 37900 രൂപയുടെ ലാപ്ടോപ്പും വിതരണം ചെയ്തു.