'ഉല്ലാസി'ലൂടെ സാക്ഷരത നേടാൻ ജില്ലയിൽ 1,687 പേർ

കൊല്ലം: പ​ല​വി​ധ കാ​ര​ണ​ങ്ങ​ളാ​ൽ പഠനം മുടങ്ങി​യ മു​ഴു​വ​ൻ പേ​ർ​ക്കും വി​ദ്യാ​ഭ്യാ​സം ന​ൽ​കു​ക എ​ന്ന ല​ക്ഷ്യത്തോടെ​ കേ​ന്ദ്ര-​സം​സ്ഥാ​ന സ​ർ​ക്കാരുകൾ സം​യു​ക്തമായി നടപ്പാക്കുന്ന ന്യൂ ​ഇ​ന്ത്യ ലി​റ്റ​റ​സി പ്രോ​ഗ്രാമിൽ (ഉ​ല്ലാ​സ്) ജില്ലയിൽ നിന്ന് സാക്ഷരരാവാൻ തയ്യാറെടുത്ത് 1,687 പേർ. കൂടുതലും സ്ത്രീകൾ, 1,350 പേർ. പുരുഷന്മാർ 337 പേരും.

13 ഭിന്നശേഷിക്കാരും ഇതിൽ ഉൾപ്പെടുന്നു. അക്ഷരം പഠിപ്പിച്ച് അടിസ്ഥാന സാക്ഷരതയും സംഖ്യാശാസ്ത്രവുമാണ് ഇവർക്ക് നൽകിയിട്ടുള്ളത്. അങ്കണവാടികളിൽ സജ്ജമാക്കിയ കേന്ദ്രങ്ങളിൽ എത്താൻ കഴിയാത്ത പഠിതാക്കളെ കോളേജ് വിദ്യാർത്ഥികൾ, എൻ.എസ്.എസ് വോളണ്ടി​യർമാർ, സാക്ഷരതാ പ്രേരക്മാർ എന്നിവർ വീടുകളിലെത്തി പഠിപ്പിച്ചാണ് പരീക്ഷയ്ക്കെത്തിക്കുന്നത്. ഒരു പഠിതാവിന് ഒരദ്ധ്യാപകൻ എന്ന നിലയിലാണ് പഠനം മുന്നോട്ട് പോയത്. 100 മണിക്കൂറാണ് ദൈർഘ്യം. വൈകുന്നേരങ്ങളിൽ കുറഞ്ഞത് മൂന്ന് മണിക്കൂറാണ് ലാപ്ടോപ്പ് ഉൾപ്പെടെ എത്തിച്ച് പഠിപ്പിക്കുന്നത്. 15 വയസ് മുതലുള്ളവരെയാണ് പദ്ധതിയി​ൽ ലക്ഷ്യമിടുന്നത്. ഉയർന്ന പ്രായപരിധി നിശ്ചയിച്ചിട്ടില്ല.

സാമ്പത്തികം, ഡിജിറ്റൽ, നിയമ സാക്ഷരത, ആരോഗ്യ അവബോധം എന്നിങ്ങനെ ജീവിത നൈപുണ്യം വികസിപ്പിക്കുന്നതിനും തൊഴിൽപരമായ കഴിവുകൾ രൂപപ്പെടുത്തിയെടുക്കാനും പദ്ധതി സഹായിച്ചിട്ടുണ്ട്. വിവിധ കോളേജുകളിൽ നിന്നുള്ള എൻ.എസ്.എസ് വോളണ്ടി​യർമാ‌ർ, കുടുബശ്രീ പ്രവർത്തകർ ആശാവർക്കർമാർ, അങ്കണവാടി ജീവനക്കാർ, സാക്ഷരത പ്രേരക്മാർ എന്നിവർ നടത്തിയ സർവ്വേയിലാണ് പഠിതാക്കളെ കണ്ടെത്തിയത്.

പരീക്ഷ ഇന്ന്, ജയിച്ചാൽ നാലി​ലേക്ക്

ജില്ലയിലെ 20 തദ്ദേശ സ്വയംഭരണ സ്ഥാപനങ്ങളിലായി മി​ക​വു​ത്സ​വം എ​ന്ന പേ​രി​ൽ സം​ഘ​ടി​പ്പി​ക്കു​ന്ന സാ​ക്ഷ​ര​ത പ​രീ​ക്ഷ ഇന്ന് നടക്കും . മികവുത്സവത്തിൽ പങ്കെടുത്ത് സർട്ടിഫിക്കറ്റ് നേടുന്നവർക്ക് തുടർന്ന് നാലാം തരം തുല്യതാ കോഴ്സിൽ ചേർന്ന് പഠിക്കാൻ അവസരം നൽകും.