ഒ. എൻ.വി അനുസ്‌മരണവും കവിതാലാപന മത്സരവും

കൊല്ലം: മണ്ഡളം ജംഗ്‌ഷൻ പബ്ലിക് ലൈബ്രറി ആൻഡ് റീഡിംഗ് റൂം നാളെ ലോകമാതൃഭാഷാ ദിനാചരണവും ഒ.എൻ.വി അനുസ്‌മരണവും നടത്തും. വൈകിട്ട് 5ന് ഒ.എൻ.വി കവിതകളുടെ ആലാപന മത്സരം നടക്കും . 6 ന് ഒ.എൻ.വി അനുസ്‌മരണം കൊറ്റങ്കര പഞ്ചായത്ത് പ്രസിഡന്റ് ഷേർളി സത്യദേവൻ ഉദ്‌ഘാടനം ചെയ്യും. പ്രസിഡന്റ് കെ. വിജയകുമാർ അദ്ധ്യക്ഷത വഹി​ക്കും. സമ്മേളനത്തിൽ എസ്. ശോഭന, മണി കെ.ചെന്താപ്പൂര്, പുന്തലത്താഴം ചന്ദ്രബോസ്, രാജപ്പൻ കേരളപുരം, എം. ഷംസുദ്ദീൻ, ബി. ഓമനക്കുട്ടൻ എന്നിവർ സംസാരിക്കും.തുടർന്ന് സമ്മാനദാനം. പത്രങ്ങളിൽ പ്രസിദ്ധീകരിക്കുന്ന എസ്.എസ്.എൽ.സി പരീക്ഷാ സഹായി പംക്തികളുടെ റഫറൻസിന് ഗ്രന്ഥശാലയിൽ അവസരം ലഭിക്കുമെന്ന് ഭാരവാഹികൾ അറിയിച്ചു.