പി.കെ.ശ്രീനിവാസൻ അനുസ്മരണം

അഞ്ചൽ: സി.പി.ഐ നേതാവും മുൻ എം.എൽ.എയുമായ പി.കെ. ശ്രീനിവാസന്റെ മുപ്പതാമത് ചരമവാർഷികത്തോടനുബന്ധിച്ച് ഏരൂരിൽ നടന്ന അനുസ്മരണ സമ്മേളനം മുൻ എം.എൽ.എ കെ ആർ. ചന്ദ്രമോഹനൻ ഉദ്ഘാടനം ചെയ്തു. സംശുദ്ധ രാഷ്ട്രീയത്തിന്റെ ഉത്തമ മാതൃതയായിരുന്നു പി.കെ. ശ്രീനിവാസൻ എന്ന് കെ.ആർ. ചന്ദ്രമോഹനൻ പറഞ്ഞു. മുൻ മന്ത്രി മുല്ലക്കര രത്നാകരൻ, മുൻ മന്ത്രിയും തിരുവിതാംകൂർ ദേവസ്വം ബോർഡ് അംഗവുമായ അഡ്വ. കെ. രാജു. സി.പി.ഐ ജില്ലാ സെക്രട്ടറിയും പി.കെ. ശ്രീനിവാസന്റെ മകനുമായ പി.എസ്.സുപാൽ, നിയുക്ത എം.എൽ.എ സി. അജയപ്രസാദ്, മറ്റ് നേതാക്കളായ ലിജു ജമാൽ, എ. മന്മഥൻ നായർ, എസ്. വേണുഗോപാൽ, കെ.സി. ജോസ്, എസ്. സന്തോഷ്, വി.പി. ഉണ്ണിക്കൃഷ്ണൻ, ഹരി വി.നായർ, അഡ്വ. ലെനു ജമാൽ തുടങ്ങിയവർ അനുസ്മരണ പ്രസംഗം നടത്തി.