അബ്കാരി കേസിൽ അറസ്റ്റിൽ

കുന്നത്തൂർ: അബ്കാരി കേസുകളിലെ പ്രതി ഐത്തോട്ടുവ മാതിരംപള്ളി തോപ്പിൽ വീട്ടിൽ ചന്ദ്രബാബുവിനെ (70, കല്ലട ബാബു) കുന്നത്തൂർ എക്സൈസ് ഇൻസ്പെക്ടർ ജെ.കൊച്ചുകോശിയുടെ നേതൃത്വത്തിൽ അറസ്റ്റ് ചെയ്തു. എക്സൈസ് ഷാഡോ സംഘത്തിന്റെ നിരീക്ഷണത്തിലായിരുന്ന ഇയാളെ ശനിയാഴ്ച രാവിലെ മദ്യക്കച്ചവടം ചെയ്തുകൊണ്ടിരുന്നപ്പോഴാണ് അറസ്റ്റ് ചെയ്തത്. മദ്യക്കുപ്പികൾ വീടിന് സമീപത്തെ തോടുകളിലും കല്ലടയാറിനോട് ചേർന്ന ചതുപ്പുകളിലുമാണ് സൂക്ഷിച്ചിരുന്നത്. പടി. കല്ലട ഭാഗത്തെ അനധികൃത മദ്യവില്പന തടയണമെന്ന നാട്ടുകാരുടെ നിരന്തര പരാതിയെ തുടർന്നായിരുന്നു നടപടി. 1.8 ലിറ്റർ വിദേശ മദ്യവും വില്പന നടത്തിയ പണവും എക്‌സൈസ് കണ്ടെടുത്തു.