അങ്കണവാടി പെൻഷൻ 8000 രൂപയാക്കണം

കൊല്ലം: അങ്കണവാടിക്കാരുടെ പ്രതിമാസ പെൻഷൻ 8000 രൂപയായി ഉയർത്താൻ സർക്കാർ നടപടി സ്വീകരിക്കണമെന്ന് ദേശീയ അങ്കണവാടി പെൻഷണേഴ്‌സ് അസോസിയേഷൻ ജില്ലാതല യോഗം ആവശ്യപ്പെട്ടു. സംസ്ഥാന പ്രസിഡന്റ് എ.​റ​ഹിം​കുട്ടി ഉദ്ഘാടനം ചെയ്തു. ത്യാഗമനോഭാവത്തോടെ പ്രവർത്തിച്ചവരെ അവ​ഗ​ണി​ക്കു​ന്നത് തൊഴിലാളി വിരുദ്ധതയാണെന്ന് അദ്ദേഹം പറഞ്ഞു. കൊല്ലം കോമൺ ടെയി​ല​റിംഗ് സ്‌കൂളിൽ നട​ത്തിയ യോഗത്തിൽ ജില്ലാ പ്രസിഡന്റ് എം.വസന്തകുമാരി അദ്ധ്യക്ഷയായി. ഭാരവാഹികളായ കെ.വിജയകുമാരി, എസ്.ഷീല, എസ്.സുജാത, ബി.ഗിരിജ, എസ്.സുലേഖാബീവി, എൻ.രമണി, എസ്.രാജമണി, സി.കമല ഭായി, സി.രമണി എന്നിവർ സംസാരിച്ചു.