ശില്പശാല സംഘടിപ്പിച്ചു  

തൊടുപുഴ: ഹൈക്കോടതിയിലെ സർക്കാർ അഭിഭാഷകർക്കായി സഹകരണ നിയമഭേദഗതി ശില്പശാല സംഘടിപ്പിച്ചു. അഡ്വക്കേറ്റ് ജനറൽ കെ. ഗോപാലകൃഷ്ണകുറുപ്പ് ഉദ്ഘാടനം ചെയ്തു. നിയമസഭ പാസാക്കിയ സഹകരണ ഭേദഗതി നിയമത്തിൽ വിവിധ വ്യവസ്ഥകളെ കുറിച്ച് നടന്ന ചർച്ചകളിൽ അഡീഷണൽ അഡ്വക്കേറ്റ് ജനറൽ അശോക് എം. ചെറിയാൻ, സ്റ്റേറ്റ് അറ്റോർണി എൻ. മനോജ് കുമാർ, സ്‌പെഷ്യൽ ഗവ പ്ലീഡർ പി.പി. താജുദീൻ എന്നിവർ സംസാരിച്ചു. ശിൽപശാലയിൽ ഉയർന്ന ശുപാർശകൾ സംസ്ഥാന സർക്കാരിന് കൈമാറുമെന്ന് അഡ്വ. പി.പി താജുദീൻ അറിയിച്ചു.