ഖാദി തൊഴിലാളി പ്രതിഷേധ മാർച്ച്

വൈക്കം : ഖാദി തൊഴിലാളികളുടെ വേതന കുടിശികയും ഇൻസെന്റീവ് കുടിശികയും അടിയന്തിരമായി വിതരണം ചെയ്യണമെന്നാവശ്യപ്പെട്ട് ഖാദി വർക്കേഴ്സ് യൂണിയന്റെ നേതൃത്വത്തിൽ ജില്ലാ ഖാദി പ്രോജക്ട് ഓഫീസിലേക്ക് മാർച്ചും ധർണയും നടത്തി. എ.ഐ.ടി.യു.സി ജില്ലാ സെക്രട്ടറി അഡ്വ. വി.കെ.സന്തോഷ് കുമാർ ഉദ്ഘാടനം ചെയ്തു. ഉദയനാപുരം യൂണി​റ്റ് വൈസ് പ്രസിഡന്റ് സുനിത അദ്ധ്യക്ഷത വഹിച്ചു. സ.പി.ഐ ജില്ലാ എക്സി. അംഗം കെ.അജിത്ത്, സാബു.പി മണലൊടി, കെ.എസ്.രത്നാകരൻ, കെ.ഡി.വിശ്വനാഥൻ, പി.എസ്.പുഷ്പമണി, ആർ ബിജു, പി.ഡി.സാബു, സി.കെ.രാജേഷ്, ഗിരിജ പുഷ്‌കരൻ, സുധർമിണി ശിവൻ എന്നിവർ പ്രസംഗിച്ചു.